منيو اسعار مخبوزات خالية من حساسية القمح مخبز جامعة الزقازيق





في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

العشرة جنيه الجديدة وصلت بمزايا كثير

عملة 10 جنيهات البلاستيكية والمصنوعة من مادة (البوليمر) التي يعتزم المركزي طباعتها رسميا في شهر نوفمبر المقبل، وقد استقر المركزي على بعض النماذج لشكل ورقة 10 جنيهات البلاستيكية لتكون أول عملة تصنع من مادة البوليمر في مصر.
وتتميز فئة الـ10 جنيهات الجديدة، بالمرونة والقوة، والسمك الأقل، والتى تتيح عمرا افتراضيا أطول يصل إلى نحو 5 أضعاف عمر الفئة الورقية المصنوعة من القطن، إلى جانب أنها مقاومة للماء، وأقل فى درجة تأثرها بالأتربة، وهى صديقة للبيئة، وذات قابلية أقل كثيرًا فى التلوث مقارنة فئات النقد الورقية المتداولة، بالإضافة إلى صعوبة التزييف والتزوير، فى الأسواق وتعد من أكثر فئات البنكنوت الجديدة تداولًا


في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

انواع قطعيات اللحوم وافضل طرق الطهى


1. قطعية الكتف الكندوز (Beef chuck)

خواص القطعية:

  • الكتف يعتبر من أقسى وأنشف قطعيات العجل، وده لإنه أكتر جزء بيستخدمه العجل عشان يتحرك. وبالتالي اللحمة من منطقة الكتف بتكون ناشفة عن منطقة زي الظهر مثلًا اللي بيطلع منها أكتر القطعيات طراوة في العجل زي العرق الفيليه.
  • الكتف بيشكل جزء كبير من العجل وبينقسم لقطعيات تانية كتير لها مسميات مختلفة.
  • بالرغم إن الكتف لحمته ناشفة، إلا إن قطعيات الكتف من القطعيات الأكتر نكهة وأشهى طعم.

 

أفضل طرق طبخ قطعية الكتف الكندوز:

  • أشهر جزء من الكتف هو السن ولحمة السن ممكن الجزار يقطعها في صورة مكعبات تدخل في السلق، والطواجن بالخضار، ولا تصلح للشوي.
  • لحمة السن تصلح جدًا لعمل المفروم عشان تعملي منه الكفتة المشوية، داوود باشا، أو البرجر أو العصاج العادي.
  • في جزء واحد من الكتف ممكن يطلع منه شرايح لحمة ستيك تصلح للشوي اسمها (flat iron steak)، غير كده قطعيات الكتف كلها أفضل طريقة لطبخها هي الطهي الرطب يعني لازم إضافة المياه أو المرقة أثناء الطهي.

 

 

 

2. الفخدة الكندوز (beef Round)

أكلات الفخدة الكندوز - أكلات عيد الأضحى 2021

أكلات الفخدة الكندوز – أكلات عيد الأضحى 2021 – alderspring

 

خواص القطعية:

  • الفخدة برضه زي الكتف، بتشكل جزء كبير من العجل، وتعتبر قطعية رئيسية جواها قطعيات فرعية كتير بمسميات مختلفة، أشهرها والمعروفة أكتر عند الجزارين: وش الفخدة، السمانة، ظهر الفخدة، العرق التريبيانكو، والموزة والاتنين دول هنتكلم عنهم على حدى.
  • اللحمة من منطقة الفخدة تعتبر نسبيًا من القطعيات الأقل طراوة لإنها في جزء من العجل معرض للحركة بشكل كبير، ودي قاعدة عامة في عالم اللحوم: كل ما كانت القطعية من منطقة معرضة للحركة أكتر، كل ما كانت أقسى وبتحتاج وقت أطول في الطبخ.
  • وش الفخدة والسمانة بيطلع منهم البوتيك، ولحمتهم بتكون حمرا ما فيهاش دهون كتير وممكن يطلع منهم كباب الحلة كمان، أما ظهر الفخدة بتكون أنشف وأقسى لكن بتصلح جدًا للمفروم.

 

أفضل طرق الطهي الفخدة الكندوز

طرق طبخ الفخدة الكندوز - أكلات عيد الأضحى

طرق طبخ الفخدة الكندوز – أكلات عيد الأضحى – 2020evergreenfoods

  • الفخدة زي ما قلنا، فيها قطعيات فرعية متنوعة، منها اللي بيصلح للسلق والطواجن واليخني زي الموزة مثلًا، ومنها اللي بيصلح للشوي في الفرن زي العرق التريبيانكو، بعض الأماكن ممكن يطلع منها قطع ستيك تصلح للشوي زي الكولاته.
  • وش الفخدة بيطلع منه مكعبات كباب الحلة اللي بتصلح للطبخ مع الخضار وللطواجن والسلق البطيء وكمان البوفتيك. وظهر الفخدة بيصلح للمفروم لإنه الأقل طراوة من قطعيات الفخدة.
  • العكاوي أو ذيل العجل بيعتبر جزء من الفخدة وبيجود جدًا في عمل الطواجن وبتحتاج العكاوي طهي بطيء على نار هادية لأفضل نتيجة.

 

 

3. الموزة الكندوز (Beef shank)

أسماء قطعيات اللحوم - الموزة الكندوز - أكلات عيد الأضحى

أسماء قطعيات اللحوم – الموزة الكندوز – themeathub

أسماء قطعيات اللحوم - الموزة الكندوز - أكلات عيد الأضحى

أسماء قطعيات اللحوم – الموزة الكندوز – wildforkfoods

 

خواص القطعية:

  • مين ما بيحبش الفتة، وأحلى فتة هي فتة الموزة طبعًا. الموزة هي اللحمة الموجودة في رجلين العجل الأمامية والخلفية، وأكتر حاجة بتميزها نسبة الكولاجين الموجود فيها اللي واضح جدًا في الصور. وده بقى مع الطبخ على نار هادية، بيتفتت ويتحول لجيلاتين وبيكون محبب عند كتير من الناس في الأكل.
  • قطعية الأوسوبوكو هي نفسها الموزة بس بالعظم بتاع الرجل. وبيكون جوه العضم في شوية من النخاع اللي طبعا بيدي نكهة وفايدة كمان، والأوسوبوكو قطعية مشهورة جدًا في إيطاليا، بتتعمل بطريقة اليخني مع الخضراوات وبتطبخ على نار هادية لمدة طويلة (slow-cooking)، فبالتالي اللحمة بتدوب والصوص بتكون نكهته خرافية.

 

أفضل طرق طبخ الموزة الكندوز:

طرق طبخ الموزة الكندوز - أكلات عيد الأضحى

طرق طبخ الموزة الكندوز – أكلات عيد الأضحى – thekitchenmagpie

  • الطبخ لمدة طويلة على نار هادية (slow-cooking) هو اللي هيخلي الموزة تدوب تمامًا وتستمتعي وانتي بتاكليها.
  • ممكن تتسلق على نار هادية جدًا عشان تستوي كويس وتدوب. وممكن تتطبخ مع طواجن الخضار في الفرن أو تتعمل في أي نوع من اليخنات، وطبعًا لا تصلح مع الشوي أو أي طهي جاف من غير إضافة مرقة أو سوايل.

 

4- أسماء قطعيات الستيك

 

أشهر قطعيات الستيك:

  • قطعة الإنتركوت Strip-Loin
  • قطعة التي بون ستيك T-Bone Steak
  • قطعة الريب آي Rib eye steak

 

أشهر قطعيات الستيك - أكلات عيد الأضحى 2020

أشهر قطعيات الستيك – أكلات عيد الأضحى – bbqdryrubs

أشهر قطعيات الستيك - أكلات عيد الأضحى 2021

أشهر قطعيات الستيك – أكلات عيد الأضحى 2021 – ottogrill

  • التلات قطعيات دول هم قطعيات ستيك ويعتبروا من القطعيات الطرية لإنهم من منطقة ظهر العجل، وهم من أكتر القطعيات المشهورة اللي بتقدمها مطاعم الستيك.
  • بالنسبة للطعم، فهو بيختلف من قطعية للتانية وكل شخص بيكون ليه قطعية مفضلة أنا بالنسبة لي الأعلى والأفضل طعمًا هي الريب آيRib-eye.
  • الاختلاف بين التلاتة هو إن الإنتركوت (strip-loin) فيها شريط من الدهون الخارجية حوالين قطعة الستيك، أما الريب آي فيها نسبة عالية من الدهون برضه، لكنها داخلية جوه حتة اللحمة نفسها.
  • أما بالنسبة للتي بون، هي قطعة مميزة جدًا لإنها عبارة عن قطعيتين من اللحمة بتفصل بينهم العظمة اللي على شكل حرف T، القطعيتين دول هما الفيليه والإنتركوت، ودي الجزار بيستخدم منشار كهربائي خاص باللحوم عشان يعرف يقطعها ويطلعها بالشكل ده مع العظم.

 

أفضل طرق طهي الستيك:

  • الشوي طبعًا هو أفضل أسلوب لطبخ القطعيات دي، تقدري تشوحي القطعيات دي في طاسة تقيلة، وتكون سخنة جدًا بحيث تاخد لون من كل الجهات، وتكملي تسويتها في الفرن والوقت اللي هتحتاجه للتسوية هيعتمد بشكل كبير على سُمك قطعة الستيك.
  • خطوة مهمة جدًا لنجاح الستيك هي إنك تريحي اللحمة بعد التسوية عشان العصارة اللي جواها تعيد توزيعها جوة قطعة اللحمة، ولما نقطعها، نلاقيها طرية ومليانة بالعصارة وjuicy.
  • ممكن تقدمي الستيك مع أي صوص من اختيارك أو مع الزبدة المنكهة بأي بهارات أو أعشاب تحبيها.

 

5. العرق الفلتو أو الفيليه الكندوز (beef fillet-beef tenderloin)

العرق الفلتو أو الفيلية الكندوز - أكلات عيد الأضحى

العرق الفلتو أو الفيلية الكندوز – أكلات عيد الأضحى – greatbritishchefs

 

خواص القطعية:

  • يعتبر أطرى قطعية في العجل، ونسبة الدهون فيه شبه معدومة.
  • مكان القطعية: ظهر العجل الكندوز: كل ما زاد وزن العجل وعمره، زاد حجم العرف الفيلية ووزنه ولونه بيكون أغمق.
  • العرق الفيليه يختلف تمامًا عن العرق التريبيانكو، أو بتسميه ستات البيوت العرق الروستو، اللي بنعمل منه الروست بيف. عرق الفيليه أطرى بكتير، بيستوي أسرع بكتير، لإنه من أكتر المناطق الطرية في العجل وهي منطقة الظهر. أما العرق التريبيانكو مكانه الفخدة، والفخدة من المناطق الأقل طراوة ولها خواص مختلفة.
العرق الفلتو أو الفيلية الكندوز - أكلات عيد الأضحى

العرق الفلتو أو الفيلية الكندوز – أكلات عيد الأضحى – themobilepizzeria

أسماء قطعيات اللحوم - أكلات عيد الأضحى 2020

أسماء قطعيات اللحوم – أكلات عيد الأضحى – simply-delicious-food

 

أفضل طرق طبخ العرق الفلتو أو الفيلية الكندوز:

  • تقدري تطبخي العرق الفيليه كامل على بعضه، عن طريق تشويحه على النار وتكملي طبخه في الفرن مع الخضراوات والبهارات أو الأعشاب العطرية.
  • العرق الفيليه ممكن تطلبي من الجزار يقطعه في صورة قطع من الستيك بسمك 2 سم ، بتكون مناسبة جدًا للشوي على البوتجاز في طاسة أو شواية أو على الفحم، والفيليه ستيك واحدة من أشهر أطباق المطاعم المعروفة اللي كلنا بنطلبها ونحبها وبيتقدم جنبها أنواع كتير من الصوصات زي صوص المشروم وصوص الفلفل الإسود.
  • يفضل تسوية الفيليه ستيك تكون medium well وما تستويش للآخر well done، وده لإن نسبة الدهون القليلة بتخليها عرضة إنها تنشف بسهولة وتشد لو استوت تسوية كاملة.
  • تقدري تتفرجي على الفيديو ده عشان تعرفي أفضل طريقة لطبخ الفيلية ستيك

 

 

 

 

6- عرق التريبيانكو أو الروستو (Eye round)

عرق التريبيانكو أو الروستو - أكلات عيد الأضحى

عرق التريبيانكو أو الروستو – أكلات عيد الأضحى – beefitswhatsfordinner

عرق التريبيانكو أو الروستو - أكلات عيد الأضحى

عرق التريبيانكو أو الروستو – أكلات عيد الأضحى -reneeskitchenadventures

 

خواص القطعية:

  • زي ما ذكرنا مسبقًا، عرق التريبيانكو موجود في منطقة الفخدة، وشكله بيختلف عن العرق الفلتو لإن سماكته واحدة من أوله لآخره زي ما هتلاحظوا من الصور.
  • العرق التريبيانكو لا يصلح للشوي لإنه من القطعيات الناشفة اللي بتحتاج طهي رطب، يعني لازم نسويه في الفرن مع شوية من المرقة أو المياه ونغطيه بالفويل، وياخد وقته عشان يستوي كويس.
  • اطلبي من الجزار يربط لك العرق التريبيانكو عشان يستوي بشكل متساوي ويحتفظ بشكله بعد التسوية.

 

أفضل طرق طبخ عرق التريبيانكو أو الروستو:

  • شوّحي العرق بعد ما تتبليه بالملح والفلفل، وسويه في الفرن على حرارة 220 مع تشكيلة من الخضار زي البصل، الجزر، الكرفس والأعشاب العطرية وفصوص التوم مع كمية من المرقة، وغطيه كويس بالفويل لحد ما يستوي، وتقدري من باقي المرقة تعملي صوص جريفي (Gravy sauce) يتقدم معاه.
  • تقدري كمان تسلقي العرق كامل وبعد السلق يتقطع شرايح ويتحمر في الزبدة والملح والفلفل.

 

 

الكلام عن اللحمة عمره ما يخلص، علم كبير قوي وبحر واسع من المعلومات. حاولت في المقال ده أجمع أغلب القطعيات المشهورة للحمة البقري، وأعرّفك على بعض من خصائصها وازاي تقدري تطبخيها بالطريقة السليمة. كل عيد أضحى وانتم طيبين، ولو عندك أي سؤال بخصوص طبخ اللحوم، ما تتردديش وابعتي لنا استفسارك.


في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

الجبهة الشعبية لتحرير تيجراي تدمر سد إثيوبيا


أعلنت إثيوبيا أن الجبهة الشعبية لتحرير تيجراي، قامت بتدمير سد تكيزي شمال البلاد، بهدف عرقلة إيصال المساعدات الإنسانية في إقليم تيجراي.

 

وأعلن مكتب تقصي الحقائق لحالة الطوارئ في إثيوبيا أن الجبهة الشعبية لتحرير تيجراي استطاعت أن تدمر السد، وذلك بعدما أعلنت الحكومة الإثيوبية وقف إطلاق أحادي الجانب في الإقليم الغارق في الصراع، بحسب وكالة الأنباء الإثيوبية "إينا".

 

ورفضت الجبهة الشعبية لتحرير تيجراي عملية وقف إطلاق النار الذي قامت به الحكومة الفيدرالية، وذلك لدعم المزارعين للاستفادة من موسم الأمطار الحالي.

وبحسب الوكالة، قامت الجبهة الشعبية لتحرير تيجراي، بتدمير سد تكيزي والذي يعتبر أحد منافذ وطريق توصيل المساعدات الإنسانية في إقليم تيجراي.

 

ويقع سد تكيزي لتوليد الطاقة الكهرومائية في منطقة تيجراي الشمالية، وهو مقام على نهر تكزه، أحد روافد النيل عبر عطبرة.

 

وفي يونيو الماضي، أعلنت الإدارة العامة لشؤون مياه النيل بوزارة الري والموارد المائية في السودان إنها تتوقع ارتفاع مناسيب نهر ستيت بسبب إعلان السلطات الإثيوبية بدء تفريغ سد تكيزي.

 

وقال البيان السوداني "سيؤدي إلى ارتفاع كبير في مناسيب نهر ستيت والمناسيب أمام وخلف سدي أعالى عطبرة وستيت وأمام وخلف خزان خشم القربة حتى مدينة عطبرة".

 

ويعتبر سد تكيزي أعلى سد خرساني ثنائي الأقواس في أفريقيا، انتهى العمل منه في 2009 بتكلفة 360 مليون دولار، وتهدف إثيوبيا للحصول على ملايين الدولارات من خلال تصدير الطاقة الكهربية إلى دول الجوار.



في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

فتاة روسية ترفع لافتة عايزة عريس بسرعة

قامت مشجعة روسية تدعى أناستيشا ليوبيموفا برفع لافتة تطلب فيها عريس قائلة " looking for husband" وذلك قبل انطلاق مباراة السويد وسلوفاكيا التي انتهت بفوز الأول بهدف نظيف ضمن مباريات الجولة الثانية للمجموعة الخامسة من بطولة كأس الأمم الأوروبية "يورو 2020".
وقامت أناستيشا ليوبيموفا برفع اللافتة في شوارع مدينة سان بطرسبرج بالإضافة الى مدرجات ملعب المباراة بحثاً عن عريس وهو الأمر الذي ساهم في اشتعال مواقع التواصل الاجتماعي المختلفة مع مطلب الفتاة.

أناستيشا ليوبيموفا 
أناستيشا ليوبيموفا (8)
أناستيشا ليوبيموفا
أناستيشا ليوبيموفا (9)
أناستيشا ليوبيموفا
أناستيشا ليوبيموفا (10)
أناستيشا ليوبيموفا 
أناستيشا ليوبيموفا (11)
أناستيشا ليوبيموفا


في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

شروط السفر للسعودية من المطارات المصرية

شروط دخول السعودية .. أعلنت سلطات الطيران المدني السعودي عن بدء تطبيق تعليمات صحية جديدة لدخول المسافرين القادمين من المطارات المصرية .

وذلك من الفئات المستثناة من السعوديين والدبلوماسيين والكوادر الطبية، وذلك ضمن إجراءات منع انتشار فيروس كورونا المستجد.

وتضمنت تعليمات هيئة الطيران المدنى السعودى، ضرورة التزام جميع المسافرين القادمين إلى السعودية التسجيل بالموقع ” تسجيل التطعيم” على أن التأكد من التسجيل قبل الصعود للطائرة من تطبيق عدة شروط وهي:

شروط دخول السعودية

‏1- إبراز رساله نجاح عملية التسجيل من خلال الهاتف المحمول .

‏2- تقديم عملية التسجيل مطبوعة ورقيا.

3- التحقق من التسجيل برقم جواز السفر عبر نفس الموقع الموضح أعلاه.

وأشار مصادر الي أنه لن يتم قبول الراكب غير المسجل على ( تطبيق توكلنا) عند الوصول للمملكة العربية السعودية، علي أن يستثنى من ذلك المواطنين السعوديين.

يذكر أن سلطة الطيران المدني بالمملكة العربية السعودية، ألزمت شركات الطيران ووكلاء السياحة بعده شروط للسماح بدخول كل من « السعوديين – الدبلوماسيين – الكوادر الطبية» وهي :

– اجراء فحص pcr قبل السفر لمن هم فوق 8 اعوام قبل السفر 72 ساعة .

_ الخضوع لحجر مؤسسي لمده ٧ ايام و إجراء فحصين PCR للكشف عن فيروس كورونا المستجد، الاول عند الوصول والثاني بعد مرور ٦ ايام في الحجر المؤسسى.

ويستثنى من ذلك عده فئات مع تقديم المستندات الموكده علي خضوعهم لهذه الاستثناءات و هى:

1- المواطنونً والمواطنات وزوجة المواطن، وزوج المواطنة، وأبناء وبنات المواطنة والعمالة المنزلية المرافقة لأي من الفئات المذكورة في هذه الفقرة الفرعية.

على أن يطبق على غير المحصنين منهم الحجر الصحي المنزلي لمدة 7 أيام، وأن يتم إجراء فحص PCR لهم في نهاية مدة الحجر ابتدا ءً من اليوم السادس مع تطبيق

-‏الاجراءات الاحترازية التي تحددها وزارة الصحة.

2- العمالة المنزلية الغير محصنة المرافقة لمقيم محصن على أن يطبق على غير المحصنين منهم الحجر الصحي المنزلي لمدة 7 أيام، وأن يتم إجراء فحص( PCR )

لهم في نهاية مدة الحجر ابتدا ءً من اليوم السادس مع تطبيق الاجراءات الاحترازية التي تحددها وزارة الصحة .

3. المحصنين ومرافقيهم من دونً سن 18 من المواطنين والمقيمين، على أن يطبق على غير المحصنين منهم الحجر الصحي المنزلي لمدة 7 أيام، وأن يتم إجراء فحص (PCR ) لهم في نهاية مدة الحجر.

ابتدا ءً من اليوم السادس مع تطبيق الاجراءات الاحترازية التي تحددها وزارة الصحة .

4 -‏ الوفود الرسمية.

5 – من يحملونً تأشيرة دبلوماسية والدبلوماسيونً وعوائلهم المقيمين على ان تتم تطبيق اجراءات الحجر الصحي في منازلهم حسب ما تعتمده وزارة الصحة.

6- طواقم الملاحة الجوية.

7- من له علاقة بسلاسل الإمدادات الصحية حسب ما تراه وزارة الصحة.

واوضحت السلطة ان جميع الركاب الغير مشمولين في الفئات المستثناه دفع قيمه الحجر المؤسسي وفحص PCR قبل السفر من خلال مكتب الوكلاء المعتمدين وسيتم إصدار قسيمه(EMD) .

سيتوجب تقديمها عند إنهاء إجراءات السفر، ويستثني من عمل الفحصين ( PCR) للقادمين من خارج المملكه العربيه السعوديه جميع من هم دون سن ال 8 سنوات


في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

نصائح القيادة مع ارتفاع درجات الحرارة

 
 ترتفع درجات الحرارة بصورة هائلة في هذه الفترة من العام في وطننا العربي، حتى أنها قد تصل في بعض الدول إلى ما يُقارب 50 درجة مئوية، وهو ما يؤثر بالسلب على قائد السيارة والركاب، وكذلك على أجزاء السيارة الحيوية المختلفة، وقد تسبب بعض الأعطال والحوادث، كما أن ارتفاع الحرارة الهائل قد يسبب في بعض الحالات احتراق السيارة.



ولقد كشفت الأبحاث الحديثة إلى أن 75% من حرائق السيارات يعود سببها إلى إهمال الصيانة الدورية وعدم إصلاح المشاكل الميكانيكية والكهربائية في السيارات، كما أشارت الأبحاث إلى تسبب حوادث الاصطدام أو الانقلاب بـ 3% فقط من تلك الحرائق، لكنها تؤدي إلى 57% من الوفيات.

لذا سوف نقدم لكم اليوم هنا عدد من النصائح الهامة في كيفية القيادة في هذه الأجواء الصعبة الشديدة الحرارة، حتى يتم تجنب حوادث السير واحتراق السيارات.
– لا تهمل الفحص الدوري للسيارة خاصة المحرك والأجزاء الكهربائية، كما تأكد من ثبات مستوى السوائل والزيوت في السيارة.
– يجب تجنب أشعة الشمس المباشرة عند ركن السيارة، ويفضل ترك جزء من نوافذ السيارة مفتوح حتى يخرج الهواء الساخن منه.
– يجب عدم ترك أي شيء قد يسبب الاشتعال بسبب الحرارة الشديدة، مثل القداحات والعطور والمشروبات الغازية والبطاريات.
– لا تقوم بزيادة حمولة السيارة أكثر من قدرتها المنصوص عليها في كتيب السيارة، حتى لا تتسبب في انفجار إطار السيارة أثناء السير.
– قم بفحص ضغط هواء إطارات السيارة بصورة مستمرة، مع ضبط الضغط حسب ما ينص عليه كتيب المالك.
– التزم بالسرعات المقررة على الطريق، حتى تستطيع السيطرة على السيارة في حال الطوارئ.
– يفضل استخدام ما يحجب أشعة الشمس على النوافذ الخلفية الجانبية، أو قم بتظليل الزجاج.
– قم بشرب الكثير من المياه لتعويض الفاقد من الأملاح الخارجة منك.
– تجنب ترك الأطفال داخل السيارة وهي مغلقة أو تحت الشمس، حرارة المقصورة قد تتضاعف تحت الشمس خلال دقائق.
– لا ينصح بالسفر نهارًا لمرضى القلب والأوعية الدموية والسكري وأمراض الغدد الصماء وكبار السن.
– تفادى رمي أعقاب السجائر في أي مكان، داخل أو خارج السيارة.
– مع بداية فصل الصيف قم بإجراء الصيانة لمكيف السيارة مع تغيير الفلتر الخاص به.


في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

كيف تعرف السيارة المغيرة ربع وراشة دواخل بطريقة علمية


لو هاتشترى عربية مستعمله لازم تكون عارف و فاهم الكلام دا عن صاج العربية و ازاى تفحصه.

أول ما تفكر تشترى عربية مستعلمه و تبداء تدور و تسأل سواء على الإنترنت او السوق, اول حاجه بتسمعها من البائع, العربيه فبريكه, فبريكه دواخل و رشه بره, راشه حزام, راشه نظافه,.....ألخ.
عايزين نعرف معنى الكلام دا و نفهم شويه حاجات و خبايا.
#راشه_جوه
و دا طبعاُ ناس كتير بتبعد عنه و بتخاف منه, و دا معناه ان العربيه تعرضت لحادثه جامده سمعت(وصل تأثيرها) لدواخل العربيه (هيكل العربيه من الداخل)  وإستدعى انه يسمكر الجزء دا و لازم يرش طبعاُ عشان الصداء و البارومه و الشكل الداخلى
(ملحوظة: فى ناس معدومى الضمير بيعملو ألاعيب عشان يدارو الرش دا زى انه يروش عليه شاى مغلى او يدهنه شيشلوك مائى عشان يبان الدهان باهت و قديم و ماتشكش انها لسه مرشوشه)

- طيب ندخل فى المهم, إيه الأجزاء اللى بتترش جوه
هانبدأ بالأخطر و اللى تخاف منه ثم الأقل خطورة
- قوايم الأبواب (معناه ان العربيه اتقلبت قبل كده على جنبها أو سقفها)
بتشوف الفنى اللى جاى يفحص العربيه بيفك جلد الأبواب دا عشان يشوف اى اثار لرش او لحام او استعدال فبيبص على قفل القايم (الزاويه القايمه لتقابل القايم مع التانى) شداد الباب (ممكن يكون عليه اثار دهان), كالون الباب (ممكن يكون عليه اثار دهان).
-      سقف العربيه
 معناه ان العربيه اتقلبت قبل كده على سقفها و فى الغالب بيأثر على القوايم و الكبوت و الشنطه و هيكل العربيه عموماً و غالباً بيتم تغيير سقف كامل أو فبرة السقف
- العربيه من الأمام (معناه ان العربيه عملت حادثه من الأمام)
ممكن يرش كارتيره, حوض, صدر, أو فرد الشاسيه و بيبان انك ممكن تلاقى أثار بويه على الموتور, على أجزاء الموتور, على الضفيره و سلوك الكهرباء, البطاحات, و كمان الفلتو للفبريكه بيختلف فى الشكل عن المرشوش و الفلتو الفابريكه بيكون ناشف.
- السيارة من الخلف (معناه ان العربيه عملت حادثه من الخلف)
بتكون راشه شنطه و فيها معجون, كارتيرات, دواخل الشنطه,


- العتب
ممكن يكون متغير لأن مانفعش فيه شفط, و دا بيتعرف من أمكان الفواصل و أماكن بنط اللحام لأن شكلها بيختلف عن الفبريكه و بنط لحام المصنع.
- من الأعمال التانيه انك بتنزل تحت العربيه تشوف لو فى بارومه او صداء, تشوف الشيشلوك و ياترى دا دهانها و لا دا شيشلوك مدهون, تراجع الفلتو للعربية بالكامل (شريط رفيع فى دواخل العربيه عند الأركان و زوايا تقابل الأسطح), تراجع أجزاء الهيكل من أبواب وكبوت وشنطه عشان تتأكد أن مافيش أجزاء متغيره فى العربية زى ابواب، رفارف، كبوت، أكصدامات و طبعاُ دا بيبان فى الفواصل و تطبيع كل جزء على اللى جنبه و خبطه ايدك عليه هايختلف صوتها عن بقيه صاج العربية.
ملحوظه (ممكن تكون العربية اتخبطت من قدام أو ورا و رشت جوه لكن لو رجعت للحادثه تلاقيها بسيطه, دا كله نصيب و قدر و سعات النتيجه مابتكونش زى توقعاتك)

- نتكلم بقى عن أخطر شئ و هو أن العربيه مغيره نص, ربع ألخ
و دا معناه انالعربيه عملت حادثه شديده جداً لدرجه ان ماينفعش فيها سمكره و بيكون الهيكل متدمر فى مكان كبير او جزء كامل,  فالفكره انه بيشيل الجزء دا بالكامل و يركب مكانه جزء جديد ( إستيراد لسيارات مقطعه من الخارج),
فأجزاء السياره المقطعه معروفه, الفنى يفحص اماكن أتصال الإجزاء دى ببعضها فى العربيه عشان يشوف لحامات و اثار بنط لحام وخصوصاً فى الفواصل الضيقه.

- راشه نضافه ( يعنى من غير طبقه معجون تحت الدهان)
ممكن تكون العربية راشه بره نظافه نتيجه سوء ظروف السواقه فى مصر من زحمه و شوارع ضيقه فممكن العربية تتحك او تتخدش, بيكون عيب بسيط جدا بتداوا ان العربيه تترش.
- راشه حزام (يعنى راشه داير ما يدور العربيه بأرتفاع من حز الأبواب من فوق لحد تحت العتب)
هنا ممكن تكون اتخبطت خبطات بسيطه و اتردد بعدها و حط طبقه معجون ورش, و ممكن تكون راشه نظافه بس و رش الحزام بس عشان هو اللى فيه خدوش و إحتكاكات.
ملحوظه: البائع بيقصد من كده انه يعرفك ان السقف و الكبوت و الشنطه للعربيه ماترشش يعنى ما عملتش حوادث او اتقلبت قبل كده على سقفها لقدر الله.
- راشه بره كلها
ممكن تكون اتعرضت لحادثه خابطه او ماشابه ذلك, فبيسمكر و يستعدل و يحط معجون و يرش, ممكن تعرف مكان الخبطه لو خبطت على صاج العربيه لو الصوت رنان يبقى كده مافيش معجون تحت الدهان, اما لو الصوت مكتوب فكده تفهم ان فى معجون تحت الدهان. و ممكن تكون راشه بره كلها نظافه بس نتيجه ان الدهان بهت و قرح من الشمس او الجو.

- ملحوظه مهمه
---------------------------------
كل الكلام دا عشان نفتح عنيك أنت و تبقى فاهم الدنيا فيها أيه و تفهم الفنى المفروض يقف فين و يدور علي ايه و يفحص ايه عشان تبقى عارف  هو فعلاُ بيراجع صح و فاهم و شايف شغله و لا بينصب عليك و بيدبسك فى البيعه,
لكن للأسف ماينفعش تعتمد على نفسك فى العمل دا بالذات لأنها يحتاج الى فنى متخصص عنده خبره عدى عليه عربيات كتير فاهم الصنايعيه زمايله و فاهم شغلهم و ألاعيبهم.
و نتمتنى الخير و الصالح للجميع.


في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى


ويكيموبايل اخر اسعار الموبايلات واحدث العروض