سعر سامسونج جلاكسى فيت مواصفات Samsung Galaxy Fit برامج Samsung Galaxy Fit العاب سامسونج جلكسى فيت صور Samsung Galaxy Fit ألوان سامسونج Galaxy Fit ريفيو سامسونج Galaxy Fit مميزات جوال سامسونج Galaxy Fit مراجعة Galaxy Fit سامسونج Galaxy Fit بالصور Samsung Galaxy Fit صور Samsung Galaxy Fit تقرير جوال Samsung Galaxy Fit سامسونج Galaxy Fit سعر سامسونج Galaxy Fit فى مصر صور سامسونج Galaxy Fit عيوب سامسونج Galaxy Fit محتويات علبة البيع سامسونج Galaxy Fit تحميل برامج سامسونج Galaxy Fit تنزيل Samsung Galaxy Fit مميزات Samsung Galaxy Fit سعر سامسونج Galaxy Fit في السعودية ثيمات سامسونج Galaxy Fit موبايل Samsung Galaxy Fit themes Samsung Galaxy Fit Samsung Galaxy Fit specifications Samsung Galaxy Fit price in Saudi Samsung Galaxy Fit programs Samsung Galaxy Fit games Samsung Galaxy Fit apps Samsung Galaxy Fit update
هذا الريفيو خاص بالدكتورة / ولاء احد الاعضاء المتميزين بموقع ويكيموبايل بالتعاون مع د/ حسام
السلام عليكم ورحمة الله وبركاته انا هكتبلكم عن تجربتي مع Samsung Galaxy Fit S5670 الموبايل انا جبته ب 1400 جنيه من المتحده معاه ضمان لمدة سنه والضمان مكتوب فيه انه من يونيون جروب والصيانه مجانا لمدة 14 شهر من تاريخ الضمان الموبايل جبته ميتالك بلاك ده صورته اول ما جبته
محتويات العلبه :
الجهاز طبعاً- وصلة يو اس بي- شاحن منزلي- 2 كتالوج واحد عربي وواحد انجليزي- كتالوج خاص بالضمان وباللغه العربيه والانجليزيه وعلى ما اظن باللغه الايرانيه - 2 سي دي خاص ببرنامج كايس وعلى ما اظن بردوا ده برنامج زي نوكيا بي سي سيوت كارت ميموري 2 جيجا ومعاه ادابتور سماعه وعلبة الموبايل صغيره مش كبيره لأني لقيت بعض الفيديوهات على اليوتيوب جايبه علبه كبيره دي صورة محتويات العلبه
ازرار التحكم فى الصوت ومدخل الميمورى
زر الكاميرا
3.5 اوديو جاك ومدخل الشحن والسماعة
كاميرا 5 ميجا وفتحة الاسبيكر
البطارية ومدخل الشريحة
اولا بالنسبه للتصوير
انا بصراحه كنت خايفه من التصوير بالموبايل وده لسبب اني كان معايا نوكيا n95 وكان تصويره رائع سواء فيديو او صور لكن بعد ما صورت بسامسونج اكتشفت ان صورته احسن من نوكيا كمان والتصوير فيه بالفيديو والصور اكثر من رائع
ودى شاشة التقاط الصورة
اختيار نظام التقاط الصورة
اختيار وضعية التصوير
اختيار ضبط التصوير الروزيليوشن والاوتوفوكس وغيرها
تصوير الفيديو
ودي اول صوره صورتها بيه
ده جدار حائط عندنا وسلوك النت عليه ووالله انا وريت الصوره لأختي مصدقتش وكانت بتحسبها صوره جايباها من النت ودي صوره كانت في اللاب توب وصورتها بالموبايل
وده فيديو صورته بالموبايل
و ما شاء الله وضوح الشاشه رائع و السرعه جميله الصوره في الإضاءه الخفيفه الصوره جميله لاني بظبط الوضع ليلي والصوره طلعت جميله بجد يعني محستش ان في عيب فيه بسبب عدم وجود الفلاش
بالنسبه للبرامج
انا اول مره اشتغل على نظام اندرويد وكنت خايفه من التعامل معاه لكن بعد ما دخلت ماركت اندرويد اكتشفت ان برامجه رائعه وممتعه جداً والعابه جميله جداً وخصوصا العاب الاطفال رائعه واي طفل هيحبها
بالنسبه لتصفح النت
اول مشكله قابلتني هى الدخول على النت عن طريق الوايرلس المشكله كانت ان الموبايل مش قادر يشوف شبكة اللاب توب لاني مكنش عندي راوتر وايرلس وبحثت كتير لقيت مواقع كتير بتتكلم عن المشكله دي ومواقع اجنبيه كمان ويمكن ملقتش غير واحد بس اللي مكنتش عنده المشكله دي لكن انا حليت المشكله اني جبت راوتر وايرلس ودخلت على النت ودخلت سوق اندرويد الرائع ولغاية اليوم بنزل برامج والعاب على الموبايل
في حاجه كمان ان اول ما جبت الجهاز مكنش الماركت ظاهر عندي لكن في واحد جزاه الله خير قاللي ان اعمل اعاده لضبط المصنع للجهاز عشان يظهر وفعلاً ظهر عندي الموبايل مش بيدعم الفلاش للمتصفح وبيدعم HTML بس انا مش شايفه اي مشكله بسبب الموضوع ده تصفح النت عادي جداً معاه
في مشكله واجهتني وهى القائمه القائمه بيكون فيها البرامج والالعاب والاستديو وحاجات كتيره وكان نفسي انظمهم في فولدرات لكن المشكله اتحلت اني نزلت برنامج App organizer free ده نظم كل حاجه في فولدرات بس طبعا لازم ادخل على البرنامج الاول بس والله كده احسن ومريحني اوي
بالنسبه للصوت والنغمات
بيكون حسب النغمه يعني لو النغمه صوتها عالي هتلاقي الصوت عالي اوي يمكن بس نغمة الرسائل الصوت منخفض حتى بعد ما حطيت نغمات عاليه ومش عارفه ليه
بالنسبه للبطاريه
كويسه جداً ومش بتفضى بسرعه وبصراحه بتفضل عندي كتير اوي من غير شحن بالرغم اني بشتغل على الجهاز وعلى فكره البطاريه انا جربتها ومشحنتهاش لمده يومين واكثر وكان استخدامي للموبايل استقبال واجراء مكالمات يعني البطاريه كويسه معايا
بالنسبه للتاتش سكرين
التاتش فيه رائع وسريع جداً يمكن بيكون بطئ في حاله واحده لما بكون لابسه جوانتي وده يمكن عشان الشاشه capacitive الموبايل ملوش ثيمات وده كان شئ مزعلني لكن لما نزلت خلفيات الشاشه المتحركه لقيت انها احسن من الثيمات الموبايل ممكن يتشحن من اللاب توب وده شئ جميل اوي ومريح من الاخر بصراحه الموبايل رائع بجد وانا اول مره استخدم موبايل من سامسونج واشتغل على نظام الاندرويد وبصراحه عجبني اوي الموبايل وبرامجه وكل حاجه فيه ونظام اندرويد نظام جميل وسهل جدا وممتع جداً في تصميم برامجه
بالنسبة للشاشة الرئيسية
القائمة
الشاشة الخاصة بالضبط
ضبط الذاكرة
ضبط الواى فاى
ضبط الخلفيات والاضاءة وتدوير الشاشة
التطبيقات والصور
ملف البوم الصور
الرام والذاكرة العشوائية
معلومات الذاكرة الداخلية والكارت الميمورى
ضبط حساب الدخول
ضبط حساب الدخول لمواقع التواصل الاجتماعى
ضبط اللغة والكيبورد
ضبط اللغة وغيرها
اختيار اللغة
ضبط الكيبورد
اختيار شكل الكيبورد
كيبورد رأسى
كيبورد افقى
شاشة الموسيقى
استماع الى الموسيقى
شاشة ضبط البلوتوث والجى بى اس والواى فاى والصوت
راديو اف ام
ضبط الراديو
ضبط القنوات وموجات الراديو
مواصفات جوال سامسونج Samsung Galaxy Fit S5670
| Samsung Galaxy Fit S5670 | ||
| مواصفات عامة | الجيل الثاني | - GSM تردد 850 / 900 / 1800 / 1900 |
| الجيل الثالث | - HSDPA تردد 900 / 2100 | |
| نظام التشغيل | - Android | |
| سرعة المعالج | - معالج بسرعة 600 MHz | |
| تاريخ الإصدار | - يناير , 2011 | |
| الكاميرا | كاميرا أساسية | - 5 ميجا بكسل نقاء 1944 × 2592 بكسل |
| فيديو | - جودة QVGA| بسرعة 15 لقطة في الثانية | |
| كاميرا أمامية | - لا يوجد | |
| السماعة و النغمات | نوع النغمات | - MP3, WAV - مع وجود هزاز وإمكانية تحميل النغمات |
| التحدث عن بعد | - يوجد | |
| مخرج سماعة 3.5مم | - يوجد | |
| - DNSe sound enhancement | ||
| الشاشة | نوع الشاشة | - شاشة ملونة 16 مليون لون تعمل على اللمس |
| حجم الشاشة | - 240 * 320 بكسل - 3.31 بوصة | |
| - الدوران التلقائي للشاشة - حساسية عالية للشاشة - خاصية Swype للكتابة على الشاشة | ||
| الحجم والوزن | أبعاد الجهاز | - 110.2 * 61.2 * 12.6 مم |
| الوزن | - | |
| الذاكرة | دليل الهاتف | - يسجل عدد لا نهائي من البطاقات, مع تخزين صورة المتصل |
| سجل المكالمات | - عدد لا نهائي | |
| الذاكرة الداخلية | - 160 MB | |
| الذاكرة الخارجية | - ذاكرة خارجية بسعة تصل حتى 32 GB من نوع microSD - مرفق مع الهاتف ذاكرة 2 GB | |
| نقل البيانات | GPRS | - يوجد |
| EDGE | - يوجد | |
| 3G | - HSDPA, 7.2 Mbps | |
| شبكة لاسلكية WLAN | - نعم , يدعم الانواع 802.11 b/g/n | |
| Bluetooth | - إصدار 2.1 مع صوت ستيريو A2DP | |
| IR | - لا يوجد | |
| USB | - إصدار 2.0 نوع microUSB | |
| مواصفات أخرى | الرسائل | - SMS , MMS, Email, Push Mail, IM |
| متصفح انترنت | - دعم نظام تصفح كامل عبر الإنترنت (HTML) | |
| الراديو | - FM استريو مع RDS | |
| الألعاب والبرامج | - يوجد | |
| ألوان الجهاز المتوفرة | - أسود , أبيض | |
| GPS | - يوجد | |
| جافا | - يدعم ألعاب وبرامج من نوع جافا | |
| - بوصلة إلكترونية - مشغل فيديو MP4/H.264/H.263 - مشغل صوت MP3/WAV/eAAC+ - منظم المواعيد - محرر الصور والفيديو - Google Search, Maps, Gmail,YouTube, Calendar, Google Talk, Picasa integration - التعرف على الكتابة المباشرة على الشاشة | ||
| البطارية | - Li-Ion 1350 mAh | |
| مدة البقاء في وضع الانتظار | - | |
| مدة التكلم | - | |
ما شاء الله إضافاتك رائعه د/ حسام
ردحذفالريفيو رائع بجد بعد إضافاتك
وبجد الموبايل ده تحفه حقيقيه وممتاز جداً وكل يوم اكتشف فيه شئ مميز
جزاك الله خير
جزاك الله خيرا يا دكتور يا كبير حسام انت و الدكتورة وﻻء
ردحذفبصراحة انا نفسى بأسرع وقت أجيب الموبايل ده علما انى حكون اول مرة استعمل سامسونج و اندرويد برضة بس بعد ما شفت الريفيو الرهيب ده مفيش خوف و ﻻ قلق
بجد الموبايل ده اكثر من رااائع و مميز بشكل رهيب و سعرة ملهوش حل
الف شكر ليكى يا د: ولاء بجد اسلوبك سهل وروعة
ردحذفوخالص الشكر للدكتور حسام والموقع الرهيب ده
ان بتابع الموقع ده على طول روعة ومافيش زيه
ردحذفانا حبيت الموبايل ده اول ما شوفته وحبيته اكثر بعد الريفيو الجميل ده
بجد مش عارفة اقول ايه
الف الف الف شكر لكى يا دكتورة ولاء
خالص الشكر والتحية للزميلة الدكتورة ولاء صلاح للريفيو المتميز واسلوبها الرائع فى عرض الموضوع
ردحذفومشاركاتها المثمرة فى الموقع
جزاكى الله كل خير
وننتظر منك المذيد
من الاحسن samsung galaxy fit أو samsung galaxy mini
ردحذفماهي نوع السماعة التي تاتي معه و ماهو سعره ب Euro
ردحذفمن الافضل هو أم N0okia X6
ردحذفsamsung galaxy fit
ردحذفافضل من
samsung galaxy mini
تأتى معه سماعة اصلية من سامسونج
ردحذفنوكيا اكس 6 هاتف رائع ويميزه عن سامسونج فيت
ردحذف-----------------------------------------------
كاميرا فيديو كول
ملاحة مجانية
سماعات ستيريو
ذاكرة 8 جيجا
فلاش فى الكاميرا الاساسية
ويميز سامسونج جلاكسى فيت عن نوكيا اكس 6
-------------------------------------------
نظام الاندرويد
شاشة عريضة وكبيرة
بروسيسور 600 ميجا
تستطيع انت تحديد ما يناسبك وما تستطيع ان تستغنى عنه
عايزه اعرف حاجه بعد اذنكم .. انا لما جيت ضيت كذا سكرين كده الى هوا لما تعمل ال تاتش بيكون فيه 1 و 2 و 3 و كده فلما بدوس عشان اعمل ريمووف ل صفخة منهم بلاقى كلمة ريمووف تحت بس مش بيضغط عليها !!!!! و حاجة تانية فى الشاشة من بره عايزه انظم الفولدرز ديه واشيل حجات واحط حجات ومش عاره اعمل ايه :( :( .. ارجو الرد ضرووووورى
ردحذفأريد السؤال هل هذا الجهاز يمكن تعريبه ؟ فقد سمعت انه لا يمكن تعريبه وانه لايدعم العربية
ردحذفهل هذا صحيح ؟؟؟
ايهما افضل e5 او galaxy fit وهل الشاشه التاتش في جلاكسي ممكن تكون عيب او ميزه بالمقارنه ب e5
ردحذفلو سمحت اجيب الجهاز دلوقتى ولا اصبر شويه يكون سعرو نزل او تكون انواع افضل منو نزلت تنصحنى اصبر ولا اجيبو؟؟؟ وشكرا
ردحذفانا محتارة بين جالاكسى مينى و بلاك بيرى 8520
ردحذفعاجبنى جالاكسى اكتر بس الناس بتقول ان البطاريات بتخلص بسرعة جدا ياترى ده صحيح ؟؟
السلام عليكم د حسام معاك اخوك انس من مصر انا كنت هجيب نوكيا c6-01 لاكن نظام التشغيل معجبنيش فهل في موبايل فيه امكانيات c6-01 او على الاقل متقاربه منها ولاكن بنظام اندرويد ويكون فيه كاميرا اماميه لاكن السعر ميزيدش عن 2000 جنيه منتظر ردك يا د حسام
ردحذفالسلام عليكم
ردحذفبداية أود أن أبارك لكم على هذا الموقع المميز.
سؤالى قد يكون غريبا بعض الشئ و لكن أتمنى أن أجد عندكم الإجابة...
كان عندى نوكيا ايه 5 و لكن بعته و أخذت أبحث عن موبايلات تاتش حيث لاحظت أن موبايلات التاتش هى الأكثر تطورا و جمالا ومن جميع النواحى الأخرى فأخذت ابحث لمدة طويلة جدا عن الكثير من الجوالات من هذا النوع حتى وجدت أخيرا نوع معين من الجوالات الرااائعة أعجبنى سعره و امكانياته علما أن هذ الجوال قد اخترته و عزمت على إقتنائه بعد تعب و جهد و مدة زمنية طويلة أقوم فيها بالتحليل و المقارنات و إلقاء الأسئلة عن ذلك النوع حتى وجدت انه أكثر من رائع. و لكن بعد كل هذا الجهد وجدت أن عندى مشكلة صعبة جدا و لا أجد لها حل.
كنت يوما مع صديقى و هو صاحب جوال تاتش فأخذت الجوال منه و المصيبة أنى وجدت نفسى لا أجيد اللمس على الشاشة لا أجيد النزول بالصفحة أو الصعود بها كل ما أفعل ذلك أقوم بالضغط بدون قصد على إحدى المحتويات بينما لم أكن اريد سوى الصعود بالصفحة...قمت بمحاولات عديدة و لكن لا جدوى من ذلك.
اتمنى أن أجد عندكم الحل.هل الموضوع مهارة و أنا لا أملكها؟أم أن الأمر يتحسن بالتدريج؟أم الأفضل أن أملك موبايل غير تاتش أم غير ذلك؟
منتظر اجابتكم بكل شوق
اتمنى اذا كانت الاجابة باستفاضة ان تكون عبر الايميل
mosawalili@yahoo.com
أريد أن أعرف جميعع العيوب الموجودة في samsung galaxy fit
ردحذفand thx
سؤال بس كم سعره بالسعودية وشكراً
ردحذفانا من السعودية واشتريت جوال جالكسي فيت
ردحذفوجدا جدا رائع
وانصح كل من يسال عن الجهاز بشراءة
الان اسبوع معي الجهاز جديد
واشتريتة من هايبر بندة 800 ريال
نزلت برامج كتير ع جالكسي فيت
ردحذفعند غلقه وفتحه بتأخر ولا ايه مش راضي يفتح ايه الحل
الف شكر يا استاذة على مقالك الجميل انا بس عاوز اعرض الفكرة الجديدة دية لكيفية حماية السيارات من السرقة عن طريق تتبعها بالموبيل
ردحذفللمزيد من المعلومات يرجى الاتصال على الايميل التالى
seabirdmarine@gmail.com
او زر موقعنا على الانترنت
http://www.seabird-marine.com/gps car tracker.htm
ممكن اسال عن هاتف c6 اذا كان كثير التعليق او يهنج كثير او يوجد بعض البطء فى إرسال و استقبال الرسائل ؟؟؟
ردحذفأزال المؤلف هذا التعليق.
ردحذفد ولاء مشكوره لجهدك الرائع
ردحذفانا احمد صيدلي وقررت اشتري الموبايل لكن محتاج شويه معلومات واريد التواصل معك
باي طريقه اما ايميلك او فيس بوك او تويتر
دي صفحتي فيها كل حساباتي
http://about.me/pucky
العفو يا دكتور احمد
ردحذفبس لو حضرتك عندك اي استفسارات بخصوص الموبايل اتفضل اكتبها هنا بعد إذن طبعاً دكتور حسام وانا هرد عليها
لكن تواصل عبر الايميل او الفيس بعتذر لحضرتك مش هينفع
لو سمحتى انا جبت الموبايل دا وهو جميل جدا لكن واجهتنى مشكلة فى النت هى انة كل ما ادخل على النت مايدخلش ويكتبلى صفحة الوب غير متوفرة مع العلم انة كان شغال فى الاول ارجووووووكى ردى عليا لان الموضوع دا مزهقنى جداااااااا يا ريت تردى عليا على ايميلى لانى ممكن ماعرفش اخش هنا تانى mido_adel4444@yahoo.com
حذفتأكد الاول من اعدادات النت عندك
حذفالسلام عليكم
ردحذفبداية خالص الشكر للدكتورة ولاء لمتابعتها للموضوع ومساهماتها فى الاجابة عن الاستفسارات
وارجو ان تكون الاسئلة والاجابات على نفس الصفحة حتى يستفيد الجميع
وارجو عدم وضع روابط مواقع او ايميلات حتى لا يتم حذف التعليق
فهذا الموقع لعرض معلومات الموبايلات وخبرات اصحابها واخر اخبار التكنولوجيا وليس للتواصل الاجتماعى
واعتذر للدكتورة ولاء اذا كانت شعرت باى مضايقة.
يادكتور حسام لوسمحت انهى موبايل افضل ده ولا الجلاكسى y من حيث نظام التشغيل وكل حاجة خصوصا ان الفرق بينهم كبير فى التوكيل؟
ردحذفاهلا وسهلا بك يا ايمى
ردحذفمن حيث نظام التشغيل جلاكسى y افضل واصدار احدث
Android OS, v2.3.5 Gingerbread
ومن حيث البروسيسور 830 ميجا اكبر من جلاكسى فيت
ومن حيث السعر الفرق كبير لصالح جلاكسى y
اما التصوير ضعيف والبطارية اقل من جلاكسى فيت
الشاشة اكبر وافضل فى سامسونج جلاكسى فيت
هذه هى الفروق بينهم واختيار الهاتف ياتى حسب احتياجاتك للهاتف ومواصفاته وموازنته مع السعر
طبعا جلاكسى فيت افضل
ولكن لو اهتمامك بالتصوير عادى فجلاكسى y جيد
بجد الموقع ده اكتر من رائع شكرا ليك يا دكتور حسام انا كنت عايزه اجيب موبايل تاتش وميزدش عن 2000 ومحتاره ما بين نوكيا وسامسونج انا طول عمري بشتغل على نوكيا وحابه اجرب سامسونج يا ترى تنصحني بايه وانا عايزه تكون امكانيته كويسه والبطاريه تتحمل والتصوير يكون معقول والصوت ككمان
ردحذفنسيت اقولك اني من مصر وحابه اعرف اذا كان الاسعار هتقل على بدايه السنه ولا لأ
ردحذفسوال هااام ومحير عندي سامسونج فيت ومش عارف اغير نغمة الرسائل
ردحذفارجووو الرد مش عارفه اغير نغمة الرسايل في موبيل سامسونج فيت
ردحذفممكن تغيريها من اعدادات الهاتف اللى بتغيرى منها نغمة الاتصال هتلاقى فيها نغمة الرسائل
ردحذفياريت تقوليلنا ايه اللى بتعمليه بالتفصيل والمشكلة بالضبط هل متاح نغمات الهاتف وعايزة تحطى اغنية مثلا مش موجودة فى النغمات الموجودة مسبقا على الهاتف ولا ايه
حبيبتي لو عايزه تغيري نغمة الرسايل
ردحذفادخلي على الميموري كارد وبعدين اعملي فولدر اسمه
notifications
وحطي فيه النغمات اللي انتي عايزاها
وبعدين ادخلي على ضبط الرسايل ومن نغمة الرسايل هتلاقي النغمات دي
ونفس الحكايه لو عايزه تغيري نغمة الاتصال هتعملي فولدر اسمه
ringtones
وتحطي فيه النغمات اللي انتي عايزاها
لو في اي اسئله تانيه اتفضلي يا حبيبتي
مش راضي ابدااا يغير الرسائل ... انا عملت كده بس لما دخلت علي الاعدادات ثم نغمة الاشعارات ديماا بيجبلي نغمات الجهاز للرسائل بس ومش بيحط معاهم اي حاجة حتي بالطريقة الي قولتي عليها .. لكن رنة الموبايل بتتعمل من عند الاغنية الي عيزاها بدوس خيرات وبدوس علي وضع كنغمة رنين بتتعمل لكن الرسائل لأ ونغمات الرسائل صغيره خالص يعني مش بلحق اسمعها ياااااريت لو عندك حل قوليلي اتصرف ازاي
حذفطيب حاولي تضبطي نغمة الرسايل من الرسايل نفسها
حذفادخلي على الرسايل واضغطي على المفتاح اليمين التاتش وبعدين اختاري ضبط وشوفي اختيار النغمه
جربي وقوليلي عملتي ايه
ايوه جربت والله بس برده مش راضي دخلت علي الرسائل وبعدين اخترت الضبط بتاع الرسائل (setting)وبعدين باجي في الآخر عند نغمة الرسائل (select ringtone) بيجبلي برضه نفس الرنات القصيرين جدا ولا واحدة فيهم قوية وحلوه ودي بعض من اسمائهاهي (Bubble - caffeinated rattlesnake - cloud - dont painc) وكام رنة كمان والرنه الي مختارها بيبقي معلملي عليها فوق بإسم النغمة الافتراضية لكن في نغمات الاتصال النغمة الي بختارها بيجبلي اسمها مع نغمات الجهاز اشمعني الرسائل نفسي اعرف ازاي تتعمل ولا دي مشكلة عندي انا بس ارجوكي لو تعرفي ساعديني
حذفبالنسبه لنغمات الرسايل النغمات بتكون ضعيفه مش قويه وده انا قلته في الريفيو
حذفمهما كانت النغمه عاليه بردوا بتكون في الرسايل منخفضه
معلشي احزفي الفولدر اللي عملتيه بإسمnotifications
واعمليه من تاني وخلي بالك من الحروف كلها
وحطي فيه النغمات وبعدين روحي على الضبط بتاع الرسايل واختاري النغمه
ان شاء الله تلاقي النغمات دي
وابقي تعالي قوليلي عملتي ايه
"Nokia 5800 XpressMusic
ردحذفNokia 603
Nokia 500
Nokia C5-03
Nokia C5-03 Illuvial
Nokia C5-06
Nokia X6
Samsung Galaxy Fit S5670
Samsung i5500 Galaxy 5
Samsung B7722
LG GW620
Sony Ericsson XPERIA X8
ممكن اعرف مين الافضل فيهم او لو فى حاجه تانيه بس لا تزيد عن 1600 جنيه
وكمان مهم يكون موبيل تكنولوجى عالى ويتحمل عشان مش عغيره الا بعد فتره :)"
وشكرأ
لو سمحتم عايز اعرف ليه نغمة الرسائل صوتها منخفض ولو فيه ليها تعليه ياريت الاجابه ..........وشكرا للموضوع الرائع
ردحذفالسلام عليكم
ردحذفانا مقدم على شراء هذا الهاتف
هل يتحمل هذا الموبيل المهام الشاقه ولانى لن لو اشتريتوا لن اشترى غيره الا بعد فتره طويله هل يتحمل ؟؟؟
احسن حاجة ليك Sony Ericsson Xperia active
ردحذفهاتف قوى جدا للمهام الشاقة وضد الماء والتراب للرياضيين
السلام عليكم
ردحذفانا لسه جايب الموبايل ده وعاوز اعرف معلومات اكتر عنه
وعليكم السلام ورحمة الله وبركاته
حذفالمعلومات كلها في الريفيو
شوف عايز تعرف ايه تاني وانا ارد عليك
السلام عليكم
ردحذفالدكتور حسام
الدكتورة ولاء
جزاكم الله خيرا
ياريت اي احد يساعدني
عندي مشكله بجهاز الفيت
انا عمل قفل للجهاز و لما جيت افتح الجهاز ادخلت القفل خطأ عدة مرات فظهرت رساله اني اخطأت عده مرات ولن يتم الدخول الا بالايميل الذي تم انشاؤه وللاسف انا نسيت الايميل خالص فانا مش عارف اعمل ايه علشان افتح الجهاز تاني
انا دلوقتي فاكر رمز القفل بس مش فاكر الايميل حاولت اخلي الجهاز يرجع تاني للقفل علشان افتحه بس من غير فائدة حتى لو قفلت التليفون وفتحته تاني يظهر مكان لوضع الايميل وكلمة سر الايميل
ولا يظهر رمز قفل التليفون خالص
ياريت تساعدوني علشان افتح الجهاز باي طريقة او اخلي الجهاز يفتح صفحة لادخال رمز القفل
زجزاكم الله خيرا ارجو سرعة الرد
مشكلة القفل دى صعبة ممكن تعملى سوفت جديد فى اى محل وبيفكو الشفرات لانك مش هتعرفى تعمليه لوحدك لانه بيحتاج برامج
ردحذفبالنسبه للي بيسأل ان الجهاز بيتحمل ولا لا ؟
ردحذفالجهاز بيتحمل وهو شغال معايا كويس جداً خصوصاً بعد ما حدثته لجينجر بريد
بالنسبه للي عايز يعرف معلومات عنه شوف الرفيو وشوف انت عايز تعرف ايه تاني عنه وانا اقولك
بالنسبه للي عنده مشكلة القفل
حاول تعمله فورمات عن طريق انك تغلق الجهاز وبعدين تضغط على الباور والهوم في وقت واحد
بس خلي بالك كل حاجه هتروح من الجهاز
لو منفعتش الطريقه دي وديه لمحل يغيرلك السوفت وير
انا كنت عاوز اشتري جهاز جديد و كنت محتار بين samsung fit و nokia 500 فأيهما أفضل ؟؟
ردحذفالف شكر يا دكتورة ولاء
ردحذفجزاكى الله كل خير
جزانا واياكي يا حبيبتي
حذفشكرا ياجماعة
ردحذففعلا الموقع اكثر من رائع
بس ارجوكوو حد يقولى ايهما افضل الفيت ولانوكيا500 وازا كان فى حاجة احسن منهم وسعرها مقارب ليهم ياريت بس بسرعة لانى محتاره من فترة كبيرة وعايزه اعرف الفرق بينهم لاتى عايزة اشترى الموبيل ضرورى
ألووووووووووووو يا جماعة روحتو فين
ردحذفحد يرد عليا بليييييييييييز
أيهما أفضل نوكيا 500 أم جالكسى فيت؟
ردحذفجلاكسى فيت تمام وكوووووووووووووول
حذفموبايل حلو بالرغم ان نوكيا 500 نفس المواصفات مع بروسيسور اقوى بس جلاكسى فيت شاشته اكبر وكاميرا 5 واوتو فوكس وتطبيقات جوجل افضل من السمبيان
السلام عليكم
ردحذفبالنسبه لـ الذاكره الداخليه ليه اما بشيل الكارت مش بيحمل عليها يعنى لازم يكون الاكارت موجود
وازاى اعمل فولدر ل لمشغل الموسيقى بس يعنى ميفتحش حاجه تانيه
أزال المؤلف هذا التعليق.
ردحذفأنا سمعت ان samsung galaxy fit عيبة البطارية ضعيفة والغطاء الخلفى يصعب فتحة هل هذا الكلام صحيح ؟
ردحذفالموبايل بطاريته كويسه مع الاستخدام كمان
حذفبالنسبه للغطاء الخلفي هو كان فعلا صعب عليا فتحه في الاول لكن عرفت طريقه لفتحه
انك بتحط ابهام الايد الشمال جنب السماعه من الناحيه اليمين ويكون ابهام الايد اليمين جنب الكاميرا بشويه من ناحية اليمين وتضغط الاتنين لفوق على الغطاء هتلاقيه بتفتح ان شاء الله
هل الموبيل ده صيني ولا ايه
ردحذفأصلا الشركة صينية !
حذفكانون شركة الكامرات صينية ، لا تحكم على الصيني أو ليس صيني
بل أحكم من خلال الإستعمال
اصلي مكتوب عليه طبع قي الصين وبضمان يونيون ارجو الرد
ردحذفبالفعل صينى ولكن درجة اولى ماعادش فيه كورى
ردحذفمعايا هاتف سامسونج صينى بقاله سنة ونصف وتمام الحمد لله
دكتور حسام او دكتورة ولاء ارجو المساعدة والرد .... كان عندي مشكلة الرصيد اللي بيتسحب لكن بعد ماقفلت حزم البيانات خلاص مابيسحبش رصيد من البرامج او التطبيقات اللي محملها بس انا احيانا بحتاج النت من الموبايل فلازم افتح حزم البيانات تاني بس مجرد ما افتحها هايسحب رصيد تاني علي البرامح المحملة ازاي افتح النت بس مايسحبش علي البرامج ارجووووووووووووو الرد من فضلكم ضروري ....هل هذا له علاقة بما يسمي
ردحذف(بالبيانات الخلفية backround data)
في برامج بتعمل تحديث تلقائي لو في نت
حذفحاول تدخل عليها في سوق اندرويد او في الضبط الخاص بالبرنامج والغي التحديث التلقائي وخليه تحديث يدوي
كمان في برامج بتعتمد على النت في تحديد المواقع
زي برامج الصلاه والطقس
ادخل بردوا عليها وغير تحديد الموقع وخليه عن طريق الجي بي اس بس كده لازم تكون فاتح الجي بي اس على طول وده بيأثر على البطاريه
انا كمان عندي نفس مشكلة نغمة الرسايل اللي مابتتغيرش بالرغم من ان نغمة الرنين بتتغير عادي ايه الحل لو سمحتم لو تعرفوا .... مع العلم اني مجرب طريقة الدكتورة ولاء ومانفعتش
ردحذفياريت يا جماعه حد يشوف لينا حل فى مشكله الرصيد اللى بيتسحب كتير دا على الفاضى
ردحذفانا بكون سايب التليفون و قاعد على الكمبيوتر او نايم احى الاقى رصيدى اتسحب منى بدون دخول على النت او اى شئ و لما استخدمت الواى فاى و بحثت جوه الجهاز لقيت ان برنامج الاندروميد بيفضل يعمل تحديث لوحده فياريت حد يعرفنا ازاى نوقفه عن التحديث لما اكون متوصل بالنت عن طريق الشريحه او اى طريقه ترحمنا من الرصيد المسحوب بتواصل دا
ردحذففي برامج بتحدث نفسها تلقائي
حذفممكن تدخل علي سوق الاندرويد وتلغي عملية التحديث التلقائي للبرامج وتخليه تحديث يدوي
الافضل طبعا انك تلغي الاتصال بعملية حزم البيانات لانها بتخلص على الرصيد
عن طريق الضبط ثم تدخل على الشبكات اللاسلكيه ثم شبكة الهواتف ثم تشيل العلامه من عند حزم البيانات
كده مش هيدخل على النت خالص غير لو عندك وايرلس ومش هيسحب رصيد وقتها نهائي
انا محتارة اختار جلاكسى فيت او سامسونج كوربي
ردحذفحبيبتي قوليلي انتي تقصدي اي نوع من الكوربي وانا اقولك الفرق بينهم ؟؟؟؟
حذفارجو ان حد يرد عليا بسرعة
ردحذفوكمان عايزة اعرف هو سعره كام
ارجوكي يا دكتورة ولاء انا عايزة رد
ردحذفأرجو من حضرتك يا دكتور الجواب على تلك الأسئلة بعد أذن حضرتك لانى عاوز اشترى الجهاز وعاوز اعرف معلومات عنه samsung galaxy fit
ردحذفهل يوجد به خاصية تسجيل مكالمات وبلاك ليست ؟
وهل الكاميرا فيه جيدة وبالنسبة للصوت فيه هل جيد ام ضعيف ؟
أنا أسف هتعب حضرتك معايا
شكرا ,,,,
ايهما افضل galaxy-fit ام Nokia C5-03 من حيث الامكانيات
ردحذفو لو لاقدر الله وقع مين يستحمل الصدمات اكتر
انا معايا جالكسي فيت بس انا قفلته عن طريق نمط التشغيل بس للاسف نسيته ومش عارف افتحه خالص ارجو المساعدة علما باني معملتش ايميل لسة وكمان استخدمت الطريقة بتاعت الباور مع الهوم وعمل ريستارت بس لسة مفتحش
ردحذفبعد ازنكم انا سالت قبل كدة عن مقارنة بين سامسونج بي7722 وسامسونج جلاكسي فيت
ردحذفوبصراحة انا في اشد الحيرة
بين الاتنين اتمني اجابة تخلصني من هذه الحيرة
وهل معني ان سامسونج فيت ليس به فلاش ان الصورة بتاعته مش واضحة وحلوة زي بي 7722 ارجو الرد
حبيبتى tweety love
حذفالموضوع بسيط جدا بدون حيرة خالص
بصى ياسيتى الفرق بين جلاكسى فيت و Samsung B7722
ان Samsung B7722 يعمل بخطين اما فيت خط واحد
لو عايزة خطين لازم Samsung B7722 اما لو عادى فان جلاكسى فيت افضل كثير
اولا تاتش كاباستيف وكمان فيه نظام اندرويد وشاشته اكبر والرامات اكبر والنت اسرع وبروسيسور اما Samsung B7722 هيهنج بسرعة لان مافيهوش رامات ولا بروسيسور ولا نظام تشغيل مش هتلاقيله برامج
بالنسبة للكاميرا واضحة تمام التصوير فى الضوء بيكون تمام بالنسبة للفلاش فيه خاصية التصوير الليلى بتذود الهاتف بأضاءة داخلية تجمع الضوء وتجعل الصورة واضحة جدا زى الفلاش
اظن كدة ما فيش حيرة ........... تحياتى يا tweety love
الاستاذة حنان محفوظ
حذفالف شكر ع اهتمامك وردك عليا بجد كنت في حيرة ومكنتش عارفة انهي الافضل شكرا جدا ع اهتمام حضرتك ولكي جزيل الشكر
طيب بعد اذنكم هل فعلا صوت موبيل جلاكسي فيت وحش وبطاريته ايه اخبارها في ناس بتقول ان بطاريته سيئة ولكم جزيل الشكر
حذفأزال المؤلف هذا التعليق.
ردحذفأنا معايا جلاكسى فيت هو جهاز جميل جدا ولكن به مشكلتين
ردحذفصعبيين جدا وسيئئين جدا وهما البطارية والصوت البطارية سيئة جدا جدا جدا والصوت أيضا واطى جدا انا مش عارف احل المشكلة دى ازاى انا بصراحة ندمان انى اشتريتة
جلاكسى فيت من أكبر عيوبة هى الصوت صوتة سئ جدا جدا جدا
ردحذفطيب بعد اذنكم هل فعلا صوت موبيل جلاكسي فيت وحش وبطاريته ايه اخبارها في ناس بتقول ان بطاريته سيئة ولكم جزيل الشكر
ردحذفجلاكسى فيت صوتة سئ جدا جدا والبطارية سيئة جدا والكاميرا جيدة فى الصباح فقط
ردحذفالسلام عليكم
ردحذفانا محتار بين الglaxy fit , glaxy gio ممكن اعرف الافضل ما بينهم
ولكم جزيل الشكر
السلام عليكم انا معاياglaxy fit جهاز جميل اما بلانسبه للبطاريه يومان والصوت مش وحش بس في نغمات عاليهوالجهاز جيد جدا جدا جدا
ردحذفيا جماعة لوسمحتم ممكن اعرف البطارية تقعد اد اية معاية
ردحذفيومين مع الاستعمال العادى يا باشمهندس محمد
حذفيا جماعه فى مشكله انا اولا معايا جالاكسى فت بس كل اما ادخل ع الاندرويد ماركت وسجل ايميلى (جيميل)يقولى قد تكون مشكلة مؤقته او قد لا يكون هاتفك مزودا بخدمات البيانات ...........اعمل ايه
ردحذفيا ريت تعمل ايميل جديد اخر وجرب كدة
حذفربنا يوفقك
عنننننننننننننننننننننندى مشكله مش عارف احلها ازاى
ردحذفميمورى الجهاز 280 م بايت والميمورى 8 جيجا اى تطبيقات بنزلها بتنزل على رام الموبايل وعندى مساحة مش عارف استغلها فالميمورى ايه الحل ؟ وازاى او هل ينفع انى انزل التطبيقات على الميمورى الخارجيه
دة جهاز السامسونج جلاكسى فيت
ازاى استغل الميمورى الخارجيه فتحميل التطبيقات عليها بدل من ميمورى الجهاز
ردحذفممكن حد يرد عليا
ردحذفانا معايا جلاكسي فيت بس مش عارفة ازاي اخلي نغمة الجهاز من الاغاني بتاعتي اللي على الجهاز لان كل ماجي اضبطها بيطلعلي الtones بتاعة الجهاز نفسه.... اغيرها ازااااي بقى ارجو الرد بلييييز
ردحذفشغلى الاغنيه اللى حابه تخليها نغمة
ردحذفوبعد ماتشتغل على برنامج المديا اختارى ضبط هتلاقى اختيار تخصيص نغمة
حد يجاوبنى لو سمحتم
ردحذفازاى انقل التطبيقات اللى بتتحمل على ميمورى الجهاز للميمورى الخارجيه علشان استغل المساحة اللى فى الجهاز
ارجو الرد(جلاكسى فيت)سامسونج
ادخل على setting
حذفثم
memory setting
ثم
default memeory
وحولها كلها الى
memory card
بدلا من
phone
ده اللى انا فاكره وجرب فى هذا الطريق لان كان معايا وضاع وهجيب واحد جديد بس رخيص خايف يضيع تانى
شكرا على اهتمامك يا كريم بس انا حاولت كل المحاولات من التلفون بس مافيش ولا وسيله نافعة حتى اختيار (move to sd )مش متأكتفة عندى ف بجد انا مدايق من الموضوع دة اوى لانى مش عارف استغل المسمرى الخارجيه فالتطبيقات بتاعتة
ردحذفالسلام عليكم
ردحذفانا محتاره بين سامسونج جالكسى فيت وبين نوكيا 603
انا يهمنى صوت الموبايل يكون عالى والصوت فى السماعه يكون نقى وعالى ومجسم وعايزه اعرف هل معنى سماعه استيريو يعنى صوتها نقى وعالى ومجسم؟وهل جالكسى فيت بيتوفر فيه ده ولا لا لان انا مش عارفه السماعه اللى معاه دى نظامها ايه
بالنسبه ل 603 اللى خوفنى منه انه بيقولوا انه بيشتغل على ميكروسيم وانا مش فاهمه يعنى ايه ,هل ده معناه انى هاجيب شريحه خط جديده ولا ايه؟
كمان مدايقنى فيه ان مكان السيم تحت البطاريه على حسب ماشوفت فى الصور
ياريت حد يفيدنى ويستحسن يكون مجرب الموبايلين ويفيدنى فى موضوع الصوت والسماعه بالذات وياريت د.حسام يكون موجود ويرد عليا ..وشكرا
انا عندى مشكله فى ذاكرة الهاتف الذاكرة اتملت والميمورى فاضى ومش عارف انزل حاجه تانيه ياريت حد يفيدنى ازاى انقل البرامج والالعاب والحاجات دى على الميمورى
ردحذفممكن تدخل على الموقع ده ودور
حذفhttp://www.3rbco.com/vb/f81.html
ولو لقيت حل ابقى قول هنا
في فرف بين samsung galaxy fit صيني وكوري
ردحذفألاجو الرددددددددددددددددددددددددددددددددددددددددددددددددددددددددد
لسة شارية امس والله بس شكلة بيقول انة موبيل ممتاز شرية ب600 درهم اماراتى
ردحذفانا معايا سامسونج فيت هو جامد بجد بس فية حاجة تعبتنى فى الجهاز اى برامج بتنزل على التليفون والمساحة لا تكفى ومش عارف اخلية يخزن عل على الكات خالص ارجو الرد
ردحذفبالنسبه للناس اللي عندهم مشاكل في المساحه
ردحذفالمشكله دي كانت عندي لكن الحمد لله اتحلت بعد ما عملت رووت للجهاز ونزلت نسخة اندرويد جينجر بريد
بقيت اقدر انقل البرامج من الهاتف على البطاقه
وبالتالي بقى عندي مساحه كبيره على الهاتف
جزاكى الله كل خير يا دكتورة ولاء
حذفهاعمل ابديت للجهاز وهقولك اللى حصل
شكرا جزيلا لكى لان المشكلة دى كانت مضايقانى جدا
جزانا واياكي خير يا لمياء
حذفلكن الابديت لوحده مش كفايه
لازم الرووت عشان تقدري تتحكمي في البرامج
ربنا يباركلك يا دكتورة
حذفانا مش عارفة ازاى اعمل رووت ياريت لو ممكن تقوليلى ازاى
وتبقى عملتى جميل كبيييييييييييييير
وهديتك منى دعوة خالصة لله ....... ربنا يوفقك
بصي يا لمياء اعملي التحديث الاول للموبايل ولو فضلت عندك نفس المشكله ابقي اعملي الرووت
حذفانا هحاول ابعت لدكتور حسام طريقة الشرح للتحديث والرووت عشان تتكتب في المدونه
لكن دلوقتي اعملي التحديث الاول
حاضر يا دكتورة بس انا شافية استنى لما تكتبى طريقة التحديث الاول علشان اعملها صح لحسن انا خبرتى قليلة فى الموبايلات
حذفوخايفة اعمل حاجة غلط
وانا منتظرة الطريقة
ربنا يباركلك ويجعله فى ميزان حسناتك
احسن بردوا يا لمياء
حذفاستني لما ابعت الشرح لدكتور حسام وبعد كده اعمليه
حاضر يا دكتورة انا مستنيه ومتابعة معاكى
حذفبارك الله فيكى
وانا ايضا واجهتنى هذه المشكلة
حذفومعدتش بحمل كثير
ياريت تقولولنا الطريقة
ولكى كل الشكر
السلام عليكم
حذفاليكم الطريقة هنا من اعداد د/ ولاء
طريقة تحديث اندرويد فرويو إلى خبز الزنجبيل وعمل الرووت لسامسونج جلاكسى فيت بالصور
هل تنصحوني فيه ولالا وقولو لي كم سعره في جدة وهل اول ما اشتريه الاقي فيه برامج
ردحذفوارجو الرد السريييييع
السلام عليكم سعره فى جدة 650 بمشاعل العاصمة
حذفبه بعض البرامج وكل ما تحتاجه تستطيع تحميله من اندرويد ماركت ومعظمه مجانى
دلوقتى يا دكتوره تقريبا نزل الاندرويد احدث من الاول
ردحذفهو نزل فعلا اندرويد احدث من فرويو واحنا كتبنا ازاي نحدث الموبايل للإصدار الاحدث اللي هو خبز الزنجبيل او جينجر بريد
حذفهو دلوقتى ثمنه كام يا دكتوره
ردحذفانا متردد بين الفيت والواى
ردحذفاشترى اى واحد
دلوقتي تمنه حوالي 1150 جنيه
حذفتقصد اي موبايل واي
حدد اي نوع وانا اقولك الفرق بينهم
اشترى السامسونج الفيت ولا سامسونج واى
ردحذفتقصد واي فاي
حذفلو تقصد كده في اكتر من نوع واي فاي
ياريت تكتب النوع بالظبط اللي تقصده
samsung galaxy y
ردحذفده Galaxy Y S5360
حذفولا ده Galaxy Y Duos S6102
samsung galaxy y s5360
ردحذفالفرق بينهم
حذفالفيت حجمه اكبر من الواي
الفيت بيقبل نغمات ام بي ثري ونغمات ويف
اما الواي بيقبل نغمات ام بي ثري بس
المساحه الداخليه للفيت 160 ميجا
المساحه الداخليه للواي 180 ميجا
نظام التشعيل للفيت فرويو ويمكن تحديثه للجينجر بريد
نظام التشغيل للواي جينجر بريد
كاميره الفيت 5 ميجا بيكسل
الكاميره للواي 2 ميجا بيكسل
الفيت بيفضل 10 ساعات من غير شحن
الواي بيفضل 6 ساعات من غير شحن
سعر الفيت 1150 تقريبا
سعر الواي 880 تقريبا
جزاكى الله خيرا اختى الكريمة على المعلومات المفيدة
حذفجزانا واياكي يا حبيبتي
حذفشكرا يا دكتوره
ردحذفيعنى يا دكتوره اشترى الفيت ولا الواى
ردحذفشوف انت ايه اللي يهمك في الموبايل
ردحذفيعني الكاميرا هل هى مهمه بالنسبه ليك
لو انت عايز موبايل سعره كويس وفيه نظام تشغيل حديث ومش هتحتاج تحدثه ومساحته الداخليه اعلى لكن الكاميرا بتاعته مش هتكون كويسه ومش هيقبل غير نغمات ام بي ثري اشتري الواي
ولو انت عايز موبايل سعره اغلى ونظام التشغيل بتاعه هتكون مضطر تحدثه زي ما احنا عملنا ومساحته الداخليه اقل لكن الكاميرا بتاعته كويسه اشتري الفيت
انا عن نفسي بفضل الفيت لسبب
عشان الكاميرا بالنسبه ليا مهمه
ثانيا نظام التشغيل ممكن يتحدث عادي يعني هتغلب على موضوع نظام التشغيل
اما الواي هو كويس لكن مش ممكن اقدر احدث جودة الكاميرا بتاعته
شوف انت عايز ايه وحدد
انا مبستعملش الكاميرا كتير ميتشدش عليها
ردحذفوهى مش مهمه با نسبالى
ردحذفهو ممكن احدث نظام الاندرويد فى الواى
ردحذفايوه ممكن تحدثه
حذفعيوب التليفون ده
ردحذفبعد لما فضلت ابحث عنه تلات ايام وهى :
1.مفيش فلاش بالتصفح واالاكتفاء بالهتميل وديه مش مشكله كبيره يعنى كتيرك مش هتعرف تشغل لعبه المزرعه السعيده بالفيس ههههه
2.البطاريه ضعيفه كما ذكر دائماولكن لا اعلم
3.الذاكره الداخليه 181 ميجا عادى حط صورك او تطبيقاتك على الميمورى
ولكن رغم هذا سأشتريه بسبب
الشكل الجذاب
الاندرويد
الكاميرا
سهوله الاستخدام
بأمانه ياجماعه حلوو وهشتريه وهو مناسب لثمنه جدا
شوفته فى محل يااا شكل خيالى
الدعاء اذا ريحك الرد
بالنسبه لمشكلة تشغيل الفلاش تم حلها بعد عمل الرووت للجهاز
حذفوانا جربتها بنفسي
بالنسبه للمساحه الداخليه تم ايضا التغلب عليها بعد التحديث وعمل الرووت لان اغلب البرامج بتنزل على البطاقه فبالتالي المساحه الداخليه هتزيد
بالنسبه للبطاريه انا شايفه انها كويسه ومش ضعيفه ولا حاجه بالرغم اني بشتغل عليه كتير
يا دكتور هو الكلام ده على الواى ولا الفيت
ردحذفكلام ايه
حذفلو تقصد على الرد بتاع البطاريه والفلاش وكده يبقى كان على الفيت
انت سألتني هل الواي ممكن يتحدث وانا جاوبت وقلت اه ممكن يتحدث لاندرويد ساندوتش الايس كريم
الفيت كمان احنا حدثناه للجينجر بريد
بس الواي طبعا هيكون احدث بعد ما يكون النظام ساندوتش الايس كريم
يا دكتوره انا قررت اشترى الواى
ردحذفنظام الاندرويد الجديد يفرق ايه عن القديم
ردحذفهو لندرويد الايس كريم يفرق ايه عن اندرويد جينجير بريد
ردحذفهتلاقي مميزات كتيره زي
حذفوجاخة مستخدم جديده
خط جديد
شكل جديد للقفل وللتنبيهات
وغيرها من المميزات
اكيد كل اصدار جديد بيكون فيه مميزات عن القديم
يا دكتوره هو فى موبايلsamsung galaxy y tv s5367
ردحذفايوه في موبايل samsung galaxy y tv s5367
حذفده يفرق ايه عن التانى فى الامكانيات وده ثمنه كام
ردحذفالفرق بينه وبين الواي
حذفالواي اخف شويه في الحجم
كاميرا التي في 3.15
اما كاميرا الواي 2
التي في طبعا فيه بيستقبل بث التليفزيون
سعر الواي حوالي 800 جنيه
سعر التي في حوالي 1541 جنيه
هى دي الفروق اللي بينهم وبيتشابهوا في باقي الخصائص
يا دكتوره يعنى ايه نغمات ويف
ردحذفكل حاجه بيكون ليها امتداد
حذفمثلا الصور ممكن تلاقي امتدادها (jpg- gif- png ) وهكذا
الفيديو ممكن يكون ( mp4- avi- 3gp ) وهكذا
النغمات ( wav- mp3- amr) وهكذا
يعني ايه امتداد؟؟؟؟؟
مثلا لو لقيت نغمه اسمها ضحكة طفل وامتدادها mp3
لو شفت الخصائص بتاعتها او properties هتلاقيها مكتوبه كده
ضحكة طفل . mp3 وهكذا
عشان كده لازم تشوف الموبايل اللي انت بتشتريه هيشغل نغمات نوعها ايه
و على فكره في برامج بتحول الانواع دي للنوع اللي انت عايزه
مثلا mp3 الى wav او العكس وهكذا
يادكتوره هو ايه الفرق بين سامسونج جالاكسى واى وسامسونج جالاكسى بوكيت من ناحيه الشاشه وكل حاجه وتنصحينى باى واحد منهم
ردحذفأزال المؤلف هذا التعليق.
حذفالفرق بينهم مساحه البوكيت اعلى بكتير من الواي
حذفمساحة البوكيت الداخليه 3 جيجا
اما الواي 180 ميجا
الواي فيه راديو لكن البوكيت مفيهوش راديو
سعر الواي حوالي 880 اما سعر البوكيت 750
اما باقي الحاجات فهما الاتنين متشابهين فيهم
من افضل سامسونج منى 2 ام جلاكسى فيت وهل جلاكسى فيت يمكن وضع الالعاب و البرامج على الزاكرا الخريجيا
ردحذفلو مش بيهمك الكاميرا في الموبايل يبقى ميني افضل لان كاميرا ميني اقل من فيت
حذفبالنسبه للألعاب والبرامج في الفيت في منها بينزل على الكارت الخارجي وخصوصا بعد التحديث وعمل رووت للجهاز
يا دكتوره هو الواى يفرق ايه عن المينى
ردحذفالفرق بين الواي والميني تو
حذفالميني حجمه اكبر
ذاكرة الميني اكبر
كاميرا الميني اعلى
سعر الميني 1220 اما الواي 1140
لو تقصد الفرق بين الواي والميني S5570
الميني حجمه اكبر وبياخد نغمات ام بي ثري وويف
اما الواي بياخد ام بي ثري بس
الواي اعلى من الميني في المساحه الداخليه
الميني الاصدار بتاعه اقل من الواي لان الواي جينجر بريد اما الميني فرويو
الكاميرا للميني اعلى من الواي
الميني سعره 850
يا دكتوره المينى سعره 999
ردحذفالمينى يفرق ايه عن الواى فى الشاشه
ردحذفالميني تو سعره 1220
حذفاما الميني S5570 سعره 850
الاسعار ممكن تقل او تعلى حسب المكان اللي بيتباع فيه
الميني تو شاشته الوانها اعلى من الواي
اما الميني S5570 شاشته الوانها زي الواي
هو المينى ده موجود فى اى محل بسعره ده
ردحذفلو تقصد الميني S5570
حذفهتلاقيه في دردشه جروب -دريم 2000- سيلكت موبايل -دلتاويه - المتحدون
اما الميني تو هتلاقيه في البحيري جروب -سيلكت موبايل
هو الواى ثمنه كام دلوقتى
ردحذف1140 سعر الواي
حذفيا دكتوره مش انتى قلتيلى ان ثمنه 880
ردحذفالميني هو اللي ثمنه 880 مش الواي
حذفحضرتك قولتيلى فى الاول ان الواى ثمنه880 حضرتك شوفيها فى الدردشه
ردحذفلا معلشي دي غلطه مني هو سعره 1140
حذفوهو مكتوب فى الموقع ثمنه 880
ردحذفلو لقيته في موقع ان ثمنه 880 يبقى عادي
حذفالاسعار بتختلف حسب الاماكن
الاسعار دي تقريبيه مش ثابته
بس هو ثمنه فى دردشه جروب880وفى محلات التميمى 875
ردحذفوهتلاقيه عند المتحدون 1140
حذفيعني كل مكان وله سعره
انا لو لقيت ان سعره غالى اكمل مثلا عليه 50جنيه واشترى الفيت
ردحذفوالله انا قلتلك على مواصفات الاتنين
حذفشوف انت ايه اللي يناسبك فيهم
انا مقدرش اقولك تشتري ايه فيهم
يا دكتوره الى سعره غالى ده يبقى معاه 4غطيان خلفيه
ردحذفطيب كويس انك عرفت ليه سعره غالي في المتحدون
حذفانما فى باقى المحلات الى هو مش بيجى مع غطيان خلفيه ثمنه880
ردحذفيا دكتوره هو ثمنه من غير غطيان خلفيه كام
ردحذفما انت قلت انه من غير غطيان ب 880
حذفعلى العموم الاحسن انك تسأل في اماكن البيع لان كل يوم بتمن وكل مكان بتمن
يا دكتوره تنصحينى باى محل اروح اسال فيه
ردحذفبصراحه معرفش محلات ايه اللي احسن
حذفحاول تدور انت على محلات كويسه
السلام عليكم ورحمة الله
ردحذفلو سمحت يا دكتور حسام
لو سمحتي دكتوره ولاء
بعد كام يوم هشتري التليفون بعد متأكد من مواصفاته الجبارة من موقعكم الرائع
بس اللي خوفني ان واحد صاحبي جرب يحدث التليفون بتاعه ذي ده
من الفوريو الي خبز النجبيل
حصلت له مشكلة التليفون طلي سوفت
فيا تري دي هتقابلني ؟؟؟
وان امكن عاوز اعرف توكيلات سامسونج في الزقازيق
وممكن احدث التليفون عند واحد مختص ؟؟؟
بعد اجابات حضراتكم سأقرر شكرا مقدما....
........... والسلام عليكم
ومعلش اسف هو التليفون ده صيني ؟؟؟
ردحذفلاني عندي عقده من الصيني
وان كان صيني
هتواجهني مشاكل في صيانته ؟؟؟
شكرا مرة اخري
اولا بالنسبه للتحديث لو مشيت على نفس الخطوات اللي انا كتبتها في التحديث مش هيحصل اي مشاكل
حذفانا بردوا كنت خايفه احدث موبايلي ومكنتش عارفه اذا كنت هعمله ولا لا
لكن مشيت على نفس الخطوات والحمد لله محصلش اي حاجه للجهاز
لو مش هتعرف تحدثه وخايف شوف اي محل بيحدث الموبايلات ويحدثه ليك
بالنسبه لاماكن التوكيلات في الزقازيق مش عارفه بصراحه
ابحث في النت يمكن يكون ليهم مواقع على النت
الجهاز انا سمعت انه مصنوع في الصين او متقفل في الصين مش فاكره اوي بس مش زي الموبايلات الصيني اللي نازله
ده بيختلف عنها تماما
الموبايلات الصيني اللي نازله في السوق مينفعش تحط ليها برامج ولا ثيمات
لكن الموبايلات اللي بتتقفل في الصين بتكون عاديه
اشكر حضرتك شكرا جزيلا علي سرعة الرد
ردحذفوعلي اجاباتك الصريحة والقصيرة
شكرا مرة اخري
يا دكتوره سامسونج فيت احسن ولا المينى تو وايه الفرق بينهم
ردحذفالميني احسن لو انت مش مهتم بالكاميرا اوي لان كاميرا الميني اقل من الفيت
حذفالمينى يفرق عنه ايه فى الامكانيات
ردحذفالفيت اخف من الميني
حذفالميني الوان شاشته اكتر
الميني بياخد نغمات ام بي ثري بس
اما الفيت فبياخد نغمات ام بي ثري وويف
الذاكره الداخليه للميني اعلى من الفيت
نظام التشغيل في الميني اعلى من الفيت
كاميرا الميني اقل من الفيت
وضوح الشاشه يفرق ايه
ردحذفبيفرق في الالوان
حذفيعني جودة الصوره كويسه ولا لا
ايوه
ردحذفالمينى يفرق ايه ع الفيت
يادكتوره هو حضرتك تعرفى ثمن المينى تو فى السعوديه كام علشان انا ممكن اشتريه من هناك
ردحذفانا رديت قبل كده عن الفروق بينهم
حذفومش عارفه سعره في السعوديه كام بصراحه
شكرا يا دكتوره على كلالنصائح الى حضرتك افتينى بيها وانما اسف لانى تعبتك معايا الفتره الى فاتت
ردحذفالعفو ولا يهمك مفيش تعب ولا حاجه
حذف