شويه نصايح لازم تعرفهم
💪
عن طريقهم هنضمن عمر إفتراضي طوييييل للموتور وهنتجنب أي مشكلة ممكن تحصل وتقرفنا
🔧 ..
فا ياريت نراعي النصايح دي عشان نحافظ على الموتور وكمان توفيرآ للفلوس
👌 ..
وكمان البوست فيه كام معلومة حلوين أوي للناس اللي لسة جديدة في العربيات
✔ يلا بينا بقي
👇
1- غير زيت عربيتك بإنتظام :-
📈
دي أول وأهم نصيحة، ولو مكملتش البوست لآخره مينفعش تفوت النصيحة دي لأن
في الطبيعي إن العربية بتغير زيت كل 5.000 كيلو أو10.000 كيلو، لكن لو
العربية ماشية أكتر من 200.000 كيلو فا بننصح إن الزيت يتغير كل 5000 كيلو
أما فلتر زيت الموتور فا بيتغير كل 10.000 كيلو أو بمعني أصح كل مرتين
تغيير زيت هتغير فلتر، ووظيفتة الفلتر إنه بيمنع أي شوايب بتدخل الموتور
ممكن تبوظه وتجرح فيه.
=================
2- إتأكد من كفاءة دورة التبريد :-
☑
دورة التبريد واللي بتتكون من الردياتير والثيرموستات ووسائل التبريد
وطلمبة المايه فا لازم تتأكد بإستمرار إن مستوى سائل التبريد كويس، ولو
لقيت العربية بتسخن مع إن سائل التبريد مش ناقص لازم تاخدها لميكانيكي لأن
ممكن يكون فيه مشكلة في الردياتير إنه مسدود مثلاّ وده هيجنبك فلوس كتير
ممكن تدفعها بعد كدة لتوابع إرتفاع درجة الحرارة ويحمي الموتور من إنه يجيب
جوان وش سلندر.
=================
3- فلتر الهوا :-
✔
وظيفة فلتر الهوا إنه بيمنع أي شوايب من اللي ممكن تكون موجودة في الجو من
إنها تدخل للموتور، فا لو الفلتر ده إتملى شزايب مش هيقدر يمنع الشوايب
الخارجية وده هيضر الموتور، وكمان العربية هتبقى مكتومة وأدائها على الطريق
هيبقى ضعيف، عشان كده لازم كل فترة لازم نكشف عليه كل ما نغير زيت، والمدة
اللي الفلتر هيقعدها قبل ما يتغير بتعتمد على طبيعة الطرق اللي بتمشي فيها
وأسلوب سواقتك لكن في المعتاد الفلتر بيتغير كل 30.000 كيلو.
=================
4- التسريب :-
⚠
مهم جداّ إنك كل فترة تتأكد إن مفيش تسريب في الموتور، ممكن تشوف التسريب
بسهولة وكمان ممكن تشمه لو كان تسريب بنزين وممكن لو تسريب زيت يبقي برضو
سهل لأن شكل خروج الزيت بيبقي واضح أوي وممكن برضو كل فترة تبص تحت مكان
ركنة العربية، لو لقيت آثار تنقيط بسيط لازم تكشف على الكاىتيرة أو علي
مصدر خروج الزيت تحديدآ قبل ما تقلب مشكلة جامدة والموتور يرزع.
=================
5- إملى بنزين قبل لمبة البنزين ما تنور :-
⛽
البنزين اللي بنحطه في عربياتنا بيبقى فيه رواسب كتير جدآ حتي بنزين
95والله، هنا بقي دور فلتر البنزين إنه يحمي الموتور من إن الرواسب دي تخش
للموتور، ومع سنين من إستخدام العربية بيكون في رواسب إتجمعت في تانك
العربية في القعر، ولما بتمشي بالعربية لحد ما اللمبة تنور ده بيخلي
الرواسب تخش في دايرة البنزين والطلمبة تسحبها وبكدة أنت بتسبب ضرر لطلمبة
البنزين والموتور عشان كده دايماّ إملى تانك البنزين بدري بدري.
=================
6- سير الكاتينة :-
〽
أو اللي بيسموه سير المجموعة، والسير ده مسئول عن تشغيل المروحة،
والتكييف، وطرمبة المايه والدينامو. وللعلم السير ده بيلف طول ما الموتور
شغال وبيعيش فترات طويلة جداّ أقصاها 50.000 كيلو لكن في حالة إنقطاع السير
بتبقي كارثة لأن كل حاجة في الموتور هتقف في لحظة ومش بعيد الموتور يتكسر
في بعضه لو بس مشيت بالعربية خطوتين والسير مقطوع عشان كدة لازم تتأكد إن
السير مفيش فيه أي تشققات وأحياناّ بيعمل صوت مميز غير معتاد لو عايز يتغير
فا نبقس نتأكد إنه سليم ولو فيه حاجة نغيره.
=================
7- اللمبات التحذيرية :-
🚨
لو لمبة الـ Check نورت في الطابلوه لازم تعرف ليه وتكشف على العربية،
وكمان فيه لمبات تانية ممكن تنور زي لمبة البطارية أو لمبة الفرامل أو لمية
حرارة الموتور، لازم نعرف سبب إضاءة أي لمبة من دول أو غيرهم لأن ده معناه
وجود خلل في العربية.
=================
8- تغيير فلتر البنزين :-
🚧
فلتر البنزين زي ما قولنا إنه بيمنع الروسب اللي في البنزين إنها تخش
الموتور لأنها هتضره، أما عن المدة اللي ممكن يقعدها فلتر البنزين بتختلف
من عربية للتانية، وكمان حسب جودة البنزين، بس ده ميمعنش إن أقصي مدى لفلتر
البنزين 25.000 كيلو.
=================
9- تغيير البوجيهات :-
🔩
البوجيهات هي المسئولة عن إصدار الشرارة اللازمة لبدأ عملية الحريق جوة
الموتور وعشان كدة تغيير البوجيهات بيخلي الموتور ناعم وكمان بيحسن من
إستهلاك البنزين جداّ جدآ فضلآ عن فرق السحب اللي هنحسه بعد تغيير
البوجيهات لو كانت يعني البوجيهات مرطبة أو عليها زيت.
في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى
