تعرف على اسباب نقص الزيت باستمرار وايه العلاج

 https://scontent.faly3-2.fna.fbcdn.net/v/t1.0-9/26805213_290580708134489_4943841356650686734_n.jpg?oh=1cda82256774630fdc60af74a89e25ca&oe=5AF7B104
هنتكلم دلوقتى على عيب شائع جدا عندنا فى العربيات
وهو عيب نقص الزيت
هتلاقى ناس بتقولك انا عندى العربيه بتاكل زيت ومش عارف السبب 😞😞
طب تعالى نعرف الاسباب وايه علاجها ؟!
اول سبب ودا شائع جدا وهو وجود ترشيح زيت على اجناب الموتور وعلى غطاء الموتور من فوق ودا ممكن يحصل مع الوقت الطويل
والعلاج بتاعه ان احنا نغسل مكان الترشيح دا ونتابع بعنينه ونشوف بيجى منين وبعد نشوف لو المكان دا فيه مسامير سايبه ولا لا
ولا الجوان بتاع المنطقه دى هو اللى نشف ومحتاج يتغير
ثانى سبب وهو انتهاء عمر طقم الشمبر
ودا هيتسبب ان حلقات الشمبر اللى حوالين الباساتم الخلوص فيها هيفتح وهيسحب زيت ويدخله على البساتم ويتحرق مع خليط الهواء والبنزين ودا سهل ان يتعرف لانه هينتج من الشكمان بسبب حريق الزيت دخان لونه ابيض مائل للزرقان وساعتها يبقى الحل بتاع الموضوع انك تروح للميكانيكى بتاعك يفك الموتور ويغيرله طقم شمبر او يشوف هيغير شورت ولا لا


br /> ثالث سبب وهو جلد الصباب ( اويل سيل الصباب )
ودى بتبقى عباره عن مجموعة من الجلد راكبه على الصبابات ووظيفتها انها تمنع الزيت اللى موجود فى وش السلندر من فوق بانه ينزل للغرف اللى الصباب بيقفل عليها
ودى عيبها انها لما بتبوظ بتظرلك دخنه بيضه خفيفه اول الدواره الصبح وحلها انك بتروح للميكانيكى بتاعك يفكلك الوش ويغير الاويل سيل صباب للموتود
اتاكد ان دايما عندك طبة الزيت متقرطه ومقفوله كويس
عشان احنا بنشوف ناس بتنسى تقرطها
واحيانا بقى عيب متخلف قابلته ف الشغل ان ساعة الزيت نفسها بتسرب زيت فخلى بالكم

في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

ليست هناك تعليقات:

إرسال تعليق

ارجو من الزوار المشاركة بتعليقاتهم والاجابة على التعليقات


ويكيموبايل اخر اسعار الموبايلات واحدث العروض