تقريبا صوت الماتور واحد في الجرنتا زي اللوجان بس عالي سنه عن اليباني والكوري بس مش مزعج ولكن الجرانتا تتفوق علي اللوجان في السحب والتجميع و قله استهلاك البنزين
ثانيا:موضوع درجه حرارة الموتور
درجه حرارة الموتور في الجرانتا اعلي من اللوجان بس ده مش عيب هي درجه حرارة موتورها كده يعني بتوصل ل 102 وهي واقفه والميه في القربه مبتغليش وبعدين المروحه تشتغل وتفصل تاني عند 97 بس العيب موجود في العزل بتاع حرارة الموتور يعني السخونيه بتوصل للكبوت وصاج العربيه المحيط بالمتور يعني لما كانت العربيه سخنه وجيت افتح الكبوت اتلسعت من لسان الكابوت ولما فتحته وجيت امسك حامل الكابوت اتلسعت بردة منه وده مبيحصلش في اللوجان لما بتسخن لكن الكابينه للداخليه بتاعه الجرانتا مبيوصلهاش اي حرارة.
ثانيا:الصاج
صاج الجرانتا اقوي ومحمل عن صاج اللوجان بس دهان وتقفيل صاج اللوجان افضل من الجرانتا
ثالثا:الباور والدبرياج والفتيس
باور الجرانتا انعم بكتير من باور اللوجان عشان الاول كهرباء والثاني زيت
دبرياج الجرانتا اطري من دبرياج اللوجان.
فتيس اللوجان انعم من الجرنتا وفي عضه في بعض نقلات الجرانتا بس بيقلوا بتروح بعد صيانه الالف وتغيير زيت الفتيس
رابعا:الشنطة والصالون والكرسي والشكل العام
شنطة الجرانتا تقريبا نفس حجم اللوجان بس بيقولوا اللوجان شنطتها اوسع بس الفرق مش ملحوظ
صالون اللوجان والتابلوه خاماته افضل من الجرانتا واغني والكنبه الخلفيه للوجان اوسع من الجرانتا بس المسافه مابين الكراسي الأمامية والخلفيه اوسع في الجرانتا
كراسي اللوجان افضل واريح من كراسي الجرانتا تحس انها نشفه شويه ومحتاجه سروجي كويس ينفخها ويحطلها اسفنج بس اللوجان فيها حاجات غلسه مش موجوده في الجرانتا زي الكلاكس إلي موجود في دراع الإشارة مش في الدركسيون زي الجرانتا وزي زجاج الكهرباء الي موجود في التابلوه مش الابواب زي الجرانتا والجرانتا برده فيها حاجه غلسه ان صوت الكتاوت عالي شويه بتسمعه لما بتشغل التكييف او النور او لما تشتغل او تفصل مروحه تبريد الموتور
الشكل الخارجي في اللوجان افضل من الجرانتا خاصة الشكل الجديد من وجهه نظر
في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى
شكرا على الافادة
ردحذف