مقارنة بين جلاكسي نوت 3 و جلاكسي نوت 4 Galaxy Note 4 و Galaxy Note 3

نقدم لكم فى موقع و يكيموبايل مقارنة واهم الفروق بين هاتفى نوت 3 ولا نوت 4

التصميم

 السنة اللي فاتت سامسونج فاجأت الكل بتصميم مختلف عن سائر تصميماتها اللي كانت كلها مصنوعة من البلاستيك, سامسونج عملت تصميم النوت 3 بشكل انيق خارج عن المألوف, الغطاء الخلفي للهاتف كان من مادة شبهة للجلد و زاد عليه شكل غرز خياطة عشان شكل الهاتف يبقى حقيقي أكتر. أما بالنسبة للنوت 4 سامسونج عملت نفس الفكرة لكن من غير غرز الخياطة فقط لكن الغطاء الخلفي لا يزال بشكل جلدي.

 بالنسبة للابعاد , الهاتفين تقريبا نفس الحجم فرق بس ان النوت 4 اطول و عرضه اقل . مسكه بايد واحدة اسهل وحجمه لا يزال يعتبر انه من الهواتف الي يطلق عليها "فابليت" أما بالنسبة للوزن , فوزن النوت 4 هو 176 جم في حين إن وزن النوت 3 168 جم , فرق 8 جرام بس في الوزن مش فرق يحسب.وآخر حاجة هنتكلم عنها من حيث الشكل والتصميم هي السمك , سمك النوت 4هو 8.5 مم أما النوت 3 فسمكه 8.3 مم. حتى الان كلا الهاتفين تقريبا هاتف واحد.

الأبعاد	الطول	العرض	السمك	الوزن
نوت3	151.2 mm	79.2 mm	8.3 mm	168 g
نوت 4	153.5 mm	78.6 mm	8.5 mm	176 g

 

الأداء

بما إن كلا الهاتفين شكلهم متقارب بنسبة كبيرة لكن يا ترى هل أدائهم متشابه برضه ؟ هنعرف دلوقتي لو هنتكلم على المعالج , الاتنين بيعملوا بمعالج ربعي النواة لكن بفرق بسيط في القوة, فالنوت 4 بيعمل بمعالج رباعي بقوة 2.7 جيجا هرتز من نوع كريت 450 أما النوت 3 بيعمل بـ 2.3 جيجاهرتز من نوع كريت 400.
ولو هنتكلم على الذاكرة الداخلية , النوت 4 محتمل انه ينزل منه نسخ مختلفة 32 جيجابايت و 64 جيجابايت, لكن لسة مفيش أخبار مؤكدة . كذلك النوت 3 في منه النسختين , بغض النظر إن أي نسخة اللي متوفرة في الأسواق المصرية. لكن الفرق في الهاتفين هنا إن النوت 3 ممكن تضيف له كارت ذاكرة بحد اقصى 64 جيجابايت في حين إن النوت 4 ممكن يضاف اليه كرة ذاكرة بحد اقصى 128 جيجابايت الهاتفين لهما ذاكرة رام 3 جيجابايت و يعملا علي نظام تشغيل اندرويد كيت كات , النوت 3 يعمل علي ىسخة 4.4.2 اما النوت 4 يعمل على نسخة 4.4.4 .

الذاكرة	المعالج	البطارية	نظامالتشغيل	الخصائص
داخلية: 32/64 جيجابايت  اضافية: 64 جيجابايت	رباعي النواة 2.3 جيجاهرتز, كريت400	3200 مللي امبير	اندرويد كيت كات 4.4.2	نوت 3
داخلية:32/64 جيجابات اضافية: 128 جيجابايت	رباعيالنواة 2.7 جيجاهرتز, كريت450	3220 مللي امبير	اندرويد كيت كات4.4.4	نوت4

الفرق الحقيقي بين الهاتفين هو في الخصائص النوت 4 مزود بخصائص كتيرة تسهل استخدامه مثل قلم ال s-pen في نوت 4 حساسيته ضعف حساسية قلم النوت 3 , كمان فيه خاصية ال SmartSelect اللي بتمكنك من التقاط اجزاء من الشاشه و مشاركتها علي اي تطبيق وبالاضافة لخاصية ال photo note الي يتمكنك من تحويل اي صورة لنوتة. غير خصائص ال قلم النوت 4 فيه خاصية التعرف علي بصمة اليد زي اللي في جلاكسي اس 5 , و كمان ال super saving mode اللي بتقلل استخدام البطارية لو كانت ضعيفة. الخاصية دي ممكن اضافتها للنوت 3 لكن عن طريق تعديلات في نظام التشغيل بس دي بتبقى مش مضمونة .

خاصية اخرى مش موجودة في النوت 3 هي ان النوت 4 ممكن يشحن اول 50% من البطارية في 30 دقيقة بس. لبطارية النوت 3200 ملي امبير و النوت 4 3220 ملي امبير, اما بالنسبة لامكانيات الاتصال في الهاتفين زي ال Wi-Fi, Bluetooth, Infrared, USB, DLNA, Wi-Fi Direct, و الGPS فالهاتفين فيهم نفس خصائص الاتصال. الهاتفين امكانياتهم متقاربة لكن الفرق في الخصائص و الحركات, اللي النوت 4 متميز فيها .

الشاشة

بما ان الهاتفين شبه بعض من حيث الشكل والأداء لكن العين تعشق قبل القلب احينا, هنشوف مع بعض امكانيات الشاشتين للهاتفين ضد بعض. الشاشتين حجمهم 5.7 بوصة من نوع سوبر اموليد بس بفرق في دقة الشاشة.

نوت 3 دقة شاشته 1920x1080 بمعدل 386 بيكسل في البوصة, اما النوت 4 فدقة الشاشة فيه 1440x 2560 بمعدل 515 بيكسل في البوصة. فاذا كنت من هواة مشاهدة الفيديوهات عالية الدقة علي تليفونك المحمول, فالنوت 4 هيكون تجربة مميزة جدا. و الشاشتين محميين بزجاج جوريلا كورنينج 3.

الشاشة	النوع	الحجم	الدقة	الحماية
نوت  3	سوبر اموليد	5.7 بوصة	1080 x 1920	جوريلا كورنينج
نوت 4	سوبر اموليد	5.7 بوصة	1440 x 2560	جوريلا كورنينج

الكاميرا

تعتبر الكاميرا من أهم مميزات اي هاتف ، و شركة سامسونج تعلم ذلك جيداَ ، فهاتف النوت 4 يأتي بكاميرا 16 ميجابكسل مزودة بLED Flash و Smart OIS لتصوير ثابت و اوضح ، و تستطيع الكاميرا تسجيل الفيديوهات عالي الجودة 1080p و 2160p ، مع توفر خصائص و مميزات كثيرة للكاميرا ، أما الكاميرا الأمامية فأصبحت 3.7 بعدسة واسعة f/1.9 ، الكاميرا الأمامية تأتي بخصائص متعددة لمحبي التصوير الذاتي Selfie ، حيث يمكنك الآن التقاط صور بانوراما بالكاميرا الأمامية ، و التقاط صور ذاتية بشكل اتوماتيكي  و غيرها من الخصائص المميزة ، و كل ذلك يأمكانية تصوير فيديوهات عالية الجودة 1080p بأستخدام الكاميرا الأمامية . ولو قارناها بكاميرا ال نوت 3 هنلاقي إن كاميرا النوت 3 هي 13 ميجابيكسل والكاميرا الأمامية 2 ميجابيكسل . الفرق مش بس في قوة الكاميرا لكن في الخصائص والامكانيات اللي موجودة في النوت 4 زي ال بانوراما سيلفي والأوتو سيلفي من الكاميرا الرئيسية .

الكاميرا	الرئيسية	الأمامية	فيديو	امكانيات
نوت3	13 ميجابيكسل	2 ميجابيكسل	2160p, 1080p	بانوراما, تحديد الوجه, توقيت, فلاشLED, تثبيت بصري, تحديد موقعا لصورةGeo-tagging , تركيز باللمس
نوت4	16 ميجابيكسل	3.7 ميجابيكسل	2160p, 1080p تصويرمزدوج	بانوراما, تحديدالوجه, توقيت, فلاشLED, تثبيت بصري, تحديد موقع الصورةGeo-tagging , تركيز باللمس, wide  سيلفي, سيلفي عن طريق جهاز قياس النبض بالكاميراالرئيسية

الأسعار

سعر الجالكسي نوت 4 في السوق المصري بتتراوح  من 5800 جنيه الى 6500 جنيه.
أما عن الجالكسي نوت 3 فسعره في السوق المصري بيتراوح ما بين 4150 جنيه الى 4500 جنيه.

الخلاصة

حقيقة فعلية ان الهاتفين يعتبروا من الهواتف المميزة جدا جدا , بفروق طفيفة في المواصفات. لكن امكانيات النوت 4 أكتر. لو بتفكروا تغيروا من هاتف موديل اقل زي نوت 2 أو ما قبله فالتغير هيكون في صالحكم , هتكونوا معاكم هاتف جديد بإمكانيات هائلة. وإذا بتفكروا إن تغيروا من نوت 3 لنوت 4 , زي ما قلنالكم إن الفروق في المواصفات بسيطة لكن الفرق إن نوت 4 فيه امكانيات وخصائص أكتر , فإذا كنتم على استعداد لدفع في مقابل بعد الامكانيات و اللي ممكن نسميها الحركات ..فالأمر يرجع اليكم.

في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى