مقارنة بين إتش تي سي ون ميني و إتش تي سي ون ميني 2

الفرق بين HTC One mini vs HTC One mini 2

بعد نجاح إتش تي سي1 ميني قررت إتش تي سي إنها ستقدم النسخة المتطورة من خلال هاتف إتش تي سي 1 ميني 2. إقرا المقارنة دي عشان تعرف لو أحسنلك تشتري إتش تي سي1 ميني ولا إتش تي سي 1 ميني 2

التصميم:

إتش تي سي1 ميني 2 متوفر بعدة ألوان منها الرصاصي المعدني, و الرصاصي الزجاجي و الذهبي. حجم الجهاز مش صغير لكن حتقدر تستخدمه  بأيد واحدة, من أحد عيوبة إن سميك شوية. أما بالنسبة لجهاز إتش تي سي ون ميني فهو متوفر في الأسواق بلونين أسود و رصاصي و هو أرفع من إتش تي سي ون ميني 2 و حيكون إختيار جيد جداً بالنسبالك لو كنت مهتم بالحجم و إن موبايلك يكون رفيع.

المقاس	إتش تي سي1 ميني 2	إتش تي سي1 ميني
الطول	137.4 مللي	132 مللي
العرض	65 مللي	63.2 مللي
السمك	10.6مللي	9.3 مللي
الوزن	137جرام	122 جرام

الأداء:

إتش تي سي 1 ميني 2 بيشتغل بنظام تشغيل كيت كات 4.4  و ده أحدث نظام تشغيل نزلته اندوريد و معاه معالج رباعي النواة 1.2 جيجاهرتز و دي تعتبر ميزة في صالحه و خصوصاً إن إتش تي سي1 ميني لسة بيشتغل بنظام جيلي بينز و بمعالج ثنائي النواة 1.4 جيجا هرتز, لكن لازم تحط في إعتبارك إن إتش تي سي1 ميني2 الرام بتاعه 1 جيجا بايت و دة ممكن يحسسك إن الجهاز بطيء خصوصاً و إنت بتستخدمة في الألعاب. الجهازين فيهم راديو, بلوتوث, واي فاي و GPS لكن لو مهتم بDLNAو  NFC حتلاقيهم في إتش تي سي1 ميني 2. بالنسبة للذاكرة الداخلية للجهازين فهي 16جيجا بايت, لكن لو محتاج مساحة يبقي أنت محتاج إتش تي سي1 ميني 2 عشان بيوفرلك أمكانية إضافة كارت ذاكرة خارجي بيوصل لحد 128 جيجا بايت. الجهازين بيشتغلوا مع شبكات2G/3G/4G. إتش تي سي1 ميني ممكن يفضل لحد 13 ساعة و 20 دقيقة من غير ما يحتاج يتشحن و دة من خلال بطارية 1800 مللي أمبير, أما بالنسبة للإتش تي سي1 ميني 2 بطاريتة 2430 مللي أمبير و دي أكيد بتستمر وقت أطول بالإضافة  لخاصية توفير الطاقة " Extreme Power Saving mode" التي هاتكمن التليفونإنه يعيش  لمدة أسبوعين على وضع الإستعداد يعني حوالي 60 ساعة من المكالمات و الرسائل بطاقة 20% و 30 ساعة بطاقة 10% و 15 ساعة بطاقة 5%.

الشاشة:

إتش تي سي 1 ميني 2 موجود بشاشة 4.5 بوصة, و دي أكبر من شاشة إتش تي سي1 ميني إللي مقاسها 4.3 بوصة و رغم كده إتش تي سي 1 ميني2 كثافتة أعلي لإن الشاشتين HD  زي بعض ولكن بما إن الإختلاف قليل جدا غالبا  مش هيلفت نظرك .

الكاميرا:

الكاميرا هي واحدة من الحاجات إللي فيها فرق كبير بين الجهازين لإن إتش تي سي1 ميني2  بيوفرلك كاميرا رئيسية 13 ميجا بيكسل و كاميرا خلفية 5 ميجا بيكسل و دي بتسمحلك تاخد صور Selfie واضحة مع أصحابك.  أما لو كنت مش مهتم إن يكون عندك في الموبايل كاميرا بنقاء عالي بالدرجة دي  يبقي إختيار إتش تي سي1 ميني هو الإختيار الأنسب.

السعر:

إتش تي سي1 ميني متوفر في مصر بسعر 3,699 جنيه لكن لسة مش عارفين السعر المحدد ل إتش تي سي1 ميني لإنه لسة مش موجود في مصرولكن أكيد هيكون أغلى من الميني 1 .

الخلاصة:

إتش تي سي1 ميني 2 متطور كتير عن إتش تي سي1 ميني و خصوصاً لو بنتكلم عن الكاميرا, الذاكرة, نظام التشغيل و البطارية. لو كنت حاسس إن وجود كاميرا عالية النقاء, نظام تشغيل أحدث, و مساحة أكبر في الذاكرة حاجة ممكن تفيدك في الموبايل الجديد بتاعك يبقي أكيد لازم تستني إتش تي سي1 ميني 2 ينزل مصر. أما لو كنت محتاج موبايل ذكي بإمكانيات لطيفة و مش مهتم أوي بالتصوير, ومش محتاج ذاكرة كبيرة و لا بتلعب علية ألعاب فيها جرافيكس كتير يبقي الإختيار الأنسب ليك هو إتش تي سي1 ميني.

في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى