أفضل تطبيقات ايباد iPad


أعلنت شركة Apple عن تطبيقاتها اللي لاقت أعلى شعبية من قبل المستخدمين. فيما يلي سنستعرض أفضل 10 تطبيقات مجانية على الـ  iPad.
Skype –  من خلاله تقدر تعمل video call مع أي حد ببلاش من خلال الـ iPad بتاعك.
Angry Birds HD Free – لعبة مسلية جدًا: إنت بتحاول تدمر مجموعة من الخنازير عن طريق إطلاق طيور عليهم. النسخة المجانية بتحتوي على 24 مرحلة مش موجودين في النسخة الكاملة، وبتتميز إنك ممكن تلعبها كذا مرة بعد ما تخلصها، ده غير إن العرض جودته High Definition.
Angry Birds Rio HD Free – نفس أسلوب اللعب زي Angry Birds العادية، بس المرة دي في مكان مختلف: ريو دي جانيرو. النسخة المجانية فيها 12 مرحلة و15 مرحلة Golden Beach Ball.
Angry Birds Seasons HD Free –  نفس طريقة لعب النسخة القديمة، بس النسخة دي فيها تغير في المواسم. النسخة المجانية فيها موسم الصيف فقط وبتتكون من 15 مرحلة.
 Fruit Ninja Lite – لعبة بسيطة بس ممتعة جدًا، الهدف منها إنك تقطع فاكهة بتتحدف في الجو من غير ما تخبط في قنبلة من القنابل اللي بتبقى موجودة وسط الفاكهة. النسخة المجانية هي جزء مصغر من الـ Classic Mode وفيها برضه جزء من الـ Multiplayer Zen Duel.
 Talking Tom Cat –  القط بتاعك، بيتجاوب معاك وبيردد أي حاجة إنت بتقولها بس بصوت مضحك. ممكن تلعب مع Tom أو حتى تشد ديله، تطبيق مسلي جدًا للأطفال.

Talking Tom Cat 2 – فيها إضافات جديدة على النسخة القديمة: تقدر مثلاً تغير لبس القط أو تشتري له مستلزمات متنوعة.
 Calculator – بيجمع بين الحاسب العلمي والعادي. ده غير إنه فيه إمكانية تغيير شكل وطريقة العرض على مزاجك.
MyPad: For Facebook and Twitter –  بيخليك تجمع بين كل حساباتاك على المواقع الإجتماعية: بيخليك تتمتع بكل مميزات Facebook بالإضافة للـ Twitter Timeline. MyPad بيتيح لك برضه إنك تشوف الصور في صورة Slideshow.
 Smurfs’ Village –  لعبة مبنية على الرسوم المتحركة "السنافر". الهدف من اللعبة إنك تبني قرية للسنافر من الصفر.


في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

ليست هناك تعليقات:

إرسال تعليق

ارجو من الزوار المشاركة بتعليقاتهم والاجابة على التعليقات


ويكيموبايل اخر اسعار الموبايلات واحدث العروض