نصائح لحمايه عربيتك من السرقه ..

 نصائح لحمايه عربيتك من السرقه ..
1- وجود جهاز انذار فى العربية.. ويستحسن لو رفع حساسية جهاز الأنذار عشان يطلق صفارته لأقل حركة.
2- متسيبش أي حاجة مكشوفه داخل العربية حتى لو كانت بسيطة.
3- متتكلمش في الموبيل أو تمسكه وشباك العربية مفتوح.
4- حاول استخدام قفل الدركسيون اللي يتم تركيبه وفكه بالمفتاح وابعد عن قفل الدواسة عشان بيتفك بسهولة.
5- متسيبش مفتاح العربية مع أي حد متعرفوش أو مش مضمون.
6- حاول متركنش عربيتك في مكان مهجور أو شارع هادئ والأحسن تحاول تركنها فى جراج يكون فيه حارس.
7- متوقفش لأي حد على الطرق السريعة.
ودي أكتر حيل لتثبيت وسرقة العربيات..

- إلقاء حجر أمام العربية أو وضع حيوانات ميته على الطريق ولما تقف بيتم تثبيتك وسرقة العربية تحت تهديد السلاح.
- قيامهم بصدم العربية من الخلف ،سواء بموتوسيكل او عربية، عشان تقف، وهنا يجبروك بالأسلحة على ترك العربية ومتعلقاتك.
- إلقاء البيض على العربية لتشويش الرؤية وايقاف العربية وسرقتها.
- في الاشارت اغلب المجرمين المحترفين بيلجأو لاسلوب المفأجاة ووارد جدا تلاقية بيفتح باب عربيتك اللى ورا ولو حتى حاولت تقاوم هتلاقي واحد تابعه بيفتح الباب اللى جنبك.. عشان كدا لازم تاخد بالك وتتاكد انك قافل كل الابواب.

في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى