عربيتك سحبها ضعيف؟.. طيب تعالى نفهم ممكن يكون السبب ايه
1- فلتر الهواء: فلتر الهوا طبعا مؤثر جدًا لو مسدود او مش نضيف بيأثر على العربية جدا جرب تنضف فلتر الهوا بتاعك لو هتلاقى السحب اختلف وياريت كل 20 ألف تغيره.. وتجيب واحد جديد.
2- بوابة الهواء: لو مش نضيفة هتلاقى الموتور ميت مش ضعيف بس.. فكها كل فترة ونضفها، لأنها هي المسئولة عن دخول الهواء لغرفة الاحتراق ولو مفيش هواء صح انسي يكون في حرق صح.
3- البنزين: دورة البنزين لو مش نضيفة وفيها شوائب هتقلل من سحب العربية.. غير فلتر البنزين كل 25 ألف كيلو، كل 3 شهور حط مرة أوكتان عشان تنضف دورة البنزين والرشاشات ولو عربيتك بتاخد 92 حطلها 95 كل 3 شهور مرة مع الأوكتان هتعمل معاك شغل كويس وحاول كل فترة تفك التانك وتغسله عشان الشوائب.
4- البوجيهات وسلوكها: البوجيهات مهمة جدا والناس لما بتيجي تغيرها مش بتغير السلوك ولازم كل 25 ألف كيلو تغير طقم البوجيهات، لأن مع الوقت بتتكون طبقة كربون كبيرة عليها وشراراتها ضعيفة وبالتالي السحب بيقل، وكمان ممكن العربية متدورش معاك من أول مرة عشان البوجيهات ضعفت خلاص.
6- الكاوتش: الكاوتش علية عامل كبير جدا.. لو الطبقة مشققة أو متاكلة او عديت الـ 35 – 40 ألف كيلو بالكاوتش إللي معاك يبقى ياريت تغيره أحسن.. لأنة بيبقى كمان عرضة أنة ينفجر أو يفتل معاك في أي لحظة وكمان هياكل بنزين ويقلل السحب.
7- حساس الشكمان: أو اسمه حساس الأكسجين.. ده لو بايظ خليط الهوا والبنزين مش هيبقى بالنسبة المظبوطة ويقلل السحب، وتقريبًا ده أغلب مشاكل العربية عشان بيقلل سحب وبياخد ضعف استهلاك البنزين.
8- الرشاشات: لو في رشاش تعبان.. هيعمل حاجة من الاثنين هيرمي بنزين زيادة عشان يولع مع الهوا ويتم الاحتراق وبالتالى العربية تاكل بنزين.. أو هيرمي بنزين أقل من المطلوب يقوم يسبب ضعف فى السحب.. الحل انك تعمل اختبار رشاشات كل 50 ألف كيلو وده بيبقى عن طريق جهاز بيختبر قوة الرشاشات.. وبينضفها وهتلاقيه فى أى مركز صيانة نضيف.
في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى
ليست هناك تعليقات:
إرسال تعليق
ارجو من الزوار المشاركة بتعليقاتهم والاجابة على التعليقات