موضوع مهم وحلو جدآ لينا كلنا فضيلي نفسك بس 3 دقايق .. بص يا سيدي وبصي يا ستي لو عربيتك بتحدف منك متستعجلش/ي وتظبط/ي زوايا
(y) أستني أقرأ/ي الأول الموضوع ده ع السريع وبعد كدة قرر هتعمل إيه ؛)=================
أولاّ لازم نظبط ضغط الكاوتشات لأن لو ضغط الهوا فى أي كاوتش قليل طبيعي إن العربية هتحدف عليه لأن إحتكاكه بالأرض هيكون أكتر وسرعته أقل بجزء بسيط جداّ من الكاوتش اللي في النحية التانية ولاحظوا إننا بنتكلم عن الكاوتشات اللي قدام لأنها هي المسئولة عن توجيه العربية ..
=-=-=-=
تانياّ لو فيه مشكلة فى العفشة لازم نصلحها الأول يعني ممكن لو جلبة مقص متآكلة أو مساعد معووج أو شمعدان متنى طبيعي هتلاقى العربية بتحدف ..
=-=-=-=
ثالثاّ لو فيه مشاكل فى الجنوط ممكن تأثر على زوايا العربية وتخليها تحدف وطبعاّ بنكون عارفين عربيتنا وعارفين لو فيه جنط فيه مشكلة وممكن نكشف على الجنوط فى أي مركز ونعرف ويبقى الحل المظبوط هو تغيير الجنط اللى فيه المشكلة أو إستعداله لو حالته تسمح بالتصليح يعني ..
=-=-=-=
رابعاّ معروف إن الكاوتشات لازم نبدل مكانها كل فترة عكس عكاس ونلففها كل ٢٠ ألف كيلو عشان نحافظ عليها وعشان نخلى التآكل فى الأربع كاوتشات متساوى عشان كدة ممكن العربية تكون مظبوطة ومفيهاش عيب زوايا (يعنى مش بتحدف) وأول ما نبدل الكاوتشات تبقي مظبوطة وزي الفل وبيبقي السبب إن نسب التآكل فى الكاوتشات بتبقي مختلفة عن بعضها عشان كدة لما نبدل مثلاّ الكاوتش اليمين قدام ونرجعه ورا يمين ونجيب الكاوتش اليمين ورا ونركبه يمين قدام هيكون التآكل فى الكاوتش من الإستخدام العادى مختلف عن التآكل اللى كان فى الكاوتش اللى بدلناه وساعتها هنحس بفرق كبيييييير لأن إستهلاك وتآكل الكاوتشات الأمامية بيكون أكتر من إستهلاك الكاوتشات الخلفية ..
=================
=================
ملاحظة مهمة أوووووي بقي فيه ناس وهمّا بيراقبوا العربية بيقولوا العربية ساعات بتحدف يمين وساعات تانية بتحدف شمال ولازم نعرف إن العربية إما تحدف يمين أو شمال يعني مينفعش شوية يمين وشوية شمال والسبب فى الشكوى إن الطريق هو اللى مش مظبوط يعنى ساعات الطريق بيميل يمين فا نلاقى العربية بتحدف يمين وساعات بيميل شمال فا نلاقى العربية بتحدف شمال وده طبيعي وأنت نفسك عينيك مش هتحس بالفرق اللي في الطريق ده لكن الكاوتشات هي اللي بتحس بيه وعلي هذا الأساس بتحدف معاه عشان كدة لازم نجرب العربية على طريق مستوى وحصيييييييرة خالص عشان نقدر نحكم ..
في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى
ليست هناك تعليقات:
إرسال تعليق
ارجو من الزوار المشاركة بتعليقاتهم والاجابة على التعليقات