لو كاوتش عربيتك اتخرم .. خد بالك فيه اربع طريق للحام ..

1- الخابور: ديه مادة المفروض انها بتعدي في الثقب اللي في الكاوتش بعد عملية توسيع للثقب، و الطريقة دية الناس بتستسهل ويعالجو الفردة بالطريقة ديه علشان مبيطروش يفكو الفرده الا في حالة عدم ايجاد الثقب ( غير مستحبة) لانها بتضعف الفردة ومبتعالجش الثقب، عبارة عن مسكن لفترة قصيرة

2 - لحام المكاواة: ودية بيتحدد فيها مكان الثقب ويتنضف من جوه، ويتحط قطعة من الكاوتش من الداخل وتتعرض لدرجة حرارة عالية علشان يتم اللحام ( مستحبة) الا اذا تعرضت لدرجة حرارة عاليه لان الحرارة بتضعف الجزء اللي فيه اللحام

3 - اللحام الداخلي ( الرقع) : ده عباره عن لاصق بيتم تنضيف الكاوتش من الداخل ولزقه مكان الثقب، وديه طريقة شائعة بس برضو للاسف ( غير مستحبة) لان مع الوقت الميا بتتكون مكان الثقب وبتتلف الاسلاك الداخلية للفردة وبيتم العلاج من الداخل فقط

4 - لحام عش الغراب: وديه افضل طريقة للحام وبينصح بيها من جميع شركات الاطارات، لان بيتم العلاج من الداخل والخارج و الماده اللاصقة بتوصل لجميع اجزاء الثقب، الجزء الاسود الكبير بيبقي جوه و الجزء الخارجي بيبقي من برة، بيتشد كويس و الجزء الزايد بيتقص طبعا لازم يتنضف من جوه كويس و الجزء الاسود بيبقي عباره عن شبكة متشاعبة فا بيتم اللحام و يطبع مع الالياف للكاوتش

في الاخر بس هي بتختلف من الصنايعي عن التاني و بردو مكان الثقب بياثر في تحديد الطريقة، بس في الاول و الاخر، ربنا يسترها علينا جميعا

في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى