اسباب ضـعف السـحـب

 
 اية اللي يخلي العربية بطة لا مؤاخذة 🤔😛
___________
خلينا كدة نبدأ واحدة واحدة و ناخد الاسباب من الصغير للكـبير
1 - الهواء.. 🤔
فلتر الهوا طبعا مؤثر جدا لو مسدود او مش نضيف بيأثر على العربية جدا و دة عن
تجربة
جرب تنضف فلتر الهوا بتاعك لو لسة جديد هتلاقى السحب اختلف و ياريت كل 20
الف تغيرة .. و تجيب واحد جديد ...
بوابة الثروتل ... او بوابة الهوا
لو مش نضيفة عتلاقى الموتور ميت مش ضعيف بس .. فكها كل فترة كدة و نضفها ..
_____________________
2 - البنزين ...
شوف يا سيدى دورة البنزين لو مش نضيف فيها شوايب يعنى هتقلل من سحب
العربية
حط من بنزين نضيفة بقى 😎
- غير فلتر البنزين كل 25 الف كيلو
- كل 3 شهور ابقى حط مرة اوكتان عشان تخش تنضف دورة البنزين و تخش على
الرشاشات تنضفها و لو عربيتك بتاخد 92 حطلها برضة 95 كل 3 شهور مرة مع
الاوكتان هتعمل معاك شغل فاجر و ربنا 😂
_____________
3 البوجيهات و سلوكها ... 😉
البوجيهات مهمة جدا و الناس لما بتيجى تغير البوجيهات مش بتغير السلوك ..
- لازم علي الاقل كل 35 الف كيلو تغير طقم بوجيهات
لان مع الوقت بتكون طبقة كاربون كبيرة عليها و شرارتها بتضعف و بالتالى السحب
بيقل و كمان ممكن العربية متدورش معاك من اول مرة عشان البوجيهات ضعفت
خلاص ...
____________
4 - الفتيس ... 😏
الفتيس طبعا مهم جدا فى نقطة السحب ..
لو الاسطوانة و الديسك متاكلين و بيجيبو اخرهم بيخلى سحب العربية يقل و كمان
يخلى العربية تسخن فوق العادى و كمان هتحتاج تعزم ليها جامد لان الاسطوانة
بتكون فضيت و بالتالى هتاكل بنزين زيادة
__________________

5 - الكاوتش 😐
الكاوتش علية عامل كبير جدا ..
لو الطبقة مشققة او متاكلة او عديت ال 35 الـ 40 الف كيلو يبقي الافضل لانة بيبقى كمان عرضة انة ينفجر او يفتل معاك فى اى لحظة
و كمان هياكل بنزين و يقلل السحب ..
_____________________
6 - حساس الشكمان .. 😃
او اللى اسمة حساس الاكسجين دة لو بايظ او بيودع الحياة خليط الهوا و البنزين
مش هيبقى بالنسبة المظبوطة و يقلل السحب ..
___________________
7 - الرشاشات
ازاى ؟ لو فى رشاش تعبان .. هيعمل حاجة من الاثنين هيرمى بنزين زيادة عشان
يولع مع الهوا و يتم الاحتراق و بالتالى العربية تاكل بنزين
او هيرمى بنزين اقل من المطلوب يقوم يسبب ضعف فى السحب طب و الحل ؟
انك تعمل اختبار رشاشات كل 50 الف كيلو و دة بيبقى عن طريق جهاز بيختبر قوة
الرشاشات
و بينضفها و هتلاقية فى اى مركز صيانة نضيف ..

في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى