قريت مشاكل كتير عن الفتيس المنوال وهحاول اجمعها واشرح طقم الدبرياج من خلال اسالتكم واستفسارتكم فى صوره أساله وأجوبه مجمعه بـ كافه الاعطال ال بنسمعها منكم لو المنشور طويل حاول تاخد من وقته وتفهمه كويس هيفيدك ازى تصرف مع الفتيس وتعالج العطل وتبقى فاهم الميكانيكى هيشتغل فى ايه ووووتعرف تسوق ازى صح
☑ومتعملش غلطات تكلفك اسطوانه وديسك كل سنه ونص
✔ !!
1️⃣️– الدبرياج عالى ولا واطى ايهما افضل وازى اظبطه ..؟
⤵️- مبدائينا كدا افهم ان فى منطقه حره لتركيب الدبرياج بتكون فى الغالب مابين 1.5 لـ 2.5 سم على ما تبتدأ العربية تتحرك
أو أنك تفصل عشان تنقل ولو أقل أو زيادة يبقى كدة محتاج تظبط
طب ايه حكايه دبرياج عالى او واطى دى يا ابو مازن؟؟
لكن الاول مفروض ولا عالى ولا واطى المفروض زى الكتالوج ما بيقول فلازم يكون الدواسه سلكها متشحم والرجلاش بتاعها مظبوط وهنا محبش حد يركب عربيتى له بقى افهم ال جاى دا وركز
الدبرياج عالى يا برنس يعنى .
الناس الـ لسه جديده فى السواقه تبقى حساسيه رجلهم مختش ع الدواسة وهنا بيقوم الميكانيكى يعالى له الدواسه لكن يا معلم دا غلط لأنه بيقلل السحب وسرعة النقل وبيستهلك بنزين أكتر وبيقلل عمر طقم الديسك والإسطوانه وبيعلى صوت الموتور
أما معنى إن الدبرياج واطي إنك بمجرد رفعة خفيفة تبتدء العربية إنها تتحرك على السلانسيه ولو موتور عزمه قوى ومظبوط بتتحرك من غير حتى ماتدوس بنزين وطبعاّ ده للمحترفين لسرعة الإستجابة بين حركة الإيد مع الرجل مع السرعة فى وقت النقل وده بيخلى الأمان أقل على صندوق التروس لأنك بتقلل مشوار فصل ووصل التروس عن الموتور فبيعمل مشكلة كبيرة وممكن الغيار يعض منك لو مادوستش للأخر على الدبرياج أو تطفى لو شيلت رجلك بسرعة او ان العربيه تنطر منك فأجاءه
ودا بيكون بسب
اسطوانة الدبرياج متاكله وواطيه اوووى فى الضياع –
- ررلمان بلي الحدافة ممكن يكون تآكل فخلى عمود الكرنك و عمود الادارة مش على استقامة واحدة
ودى هشرحها بالتفصيل كمان شويه
ابعت هات واحد شاى وشد نفسين واهمد لاخر
🗣️فهمت له لو حد ركب عربيتك لان رجله غير رجلك ع الدواسة
🤔طبعا العيب دا منتشر اووى فتروح بتغيير رولمان البلي الخاص بالحدافة اذا كان قد تلف او تغيير اسطوانة الدبرياج في حال التآكل الغير منتظم او يتم تنظيف و تزييت الاجزاء المنزلقة ان كانت تحتوي على القاذورات و كذلك تزييت اسطوانة الدبرياج
س
2️⃣- واحد صحبى بيقوالى لما ادوس على الدبرياج طري ️⤵️- اخبطه فى وشه واصدمة يا بيه سوسة الديسك ضعيفة ومش بالقوة الكافية لعزم علشان تحدف لعشيق فى الاسطوانه
و هنا لازم تعمل رجلاش للسلك من وقت لتانى
⤵️⤵️⤵️.
س
3️⃣️– نفس الرخم صحبى 
👨سال طب بدال الدبرياج ناشف معلش استحملنى يابومازن .!⤵️طبعا مش هصدمة هقوله البضاعه شمال وسوسة الديسك ناشفه وجامدة او سلك الدبرياج مشعر او انه بحاجة الى التزييت لذا فانت هنا مع تلك المشكلة المهببه بحاجة الى الكشف على السلك في البداية فاذا كان السلك سليم اذا انت بحاجة الى تغيير ديسك الدبرياج يا معلم ونزلت منشور شرحت السلك فارجع له لعورك والمصحف تعبت منكم .
س
4️⃣-️ رد نفس صحبى وسال نعمل ايه يا بومازن فى مشكلة الانزلاق .؟⤵️نفهم الاول انزلاق يعنى مفيش تماسك بين الديسك والاسطوانه فتفوت فى نقل الحركه وبيظهر لما تزود السرعة وعامل تحرق ع المكنه والعربيه بتجعر ومفيش سحب وريحه شيحاط علشان تيل الاسطوانه بتحرق يا منيل وفيه بوش فى الدبرياج انت مهمل مش مظبطه وفضلت ماشى كدا فترة وتيل الاسطوانه متاكل وقولت غالبيه البضاعه الان بالاسواق شمال او فى تسريب زيت على الاسطوانة او اويلسيل الكرنك الخلفى مرشح زيت ههههه وسيادتك مكسل تعملوا و تغيير اويل سيل عمود الادارة بصندوق التروس
س
5️⃣️- هنط حد دلوقتى ويقولى طب بـ العض .؟⤵️له هو كلب يا جدع نفهم بس لما بتدى غيار الديسك والاسطوانه بيحتكوا بعض
فيحدث ما يعرف بالعض مما يؤدي الى حدوث صوت عند بداية التعشيق او تغيير التروس و ده بيكون نتيجه
اسطوانه الدبريياج معوجه مش متسنطره صح او حرقت ع الغيار يا معلم ولا مسحوبه ومتحركه من مكانها ع عمود الدبرياج فبتعض ومش سهله الحركة او ان ال ركب لك نايم ع نفسه كان جعان فسرح شويه وهو بيركب فحمل ع الدوافع لقرص الضغط مش ظبطته يا خاااال ابقى شوف حد نظيف مش اى ميكانيكى وتفرح وتجرى بتغير ديك واسطوانه ووقتها خلى بالك وقوله ضبط بوش الدبرايج يااسطى والنبى
وزيت الاسطوانه احيات ابوك يا شيخ والسرة والعمود لهتغير اسطوانه
س
6️⃣️- شوفت سوال حلو اوى ⤵️فى المطالع يا بو مازن بدوس بنزين لاخر اكتر من الازم والطبيعى علشان تحمل معى دا ايه
يا باشااا الاسطوانة الدبرياج بدأت في التفويت و هذا يحدث بسبب تآكل تيل الاسطوانة او ان التيل يلمع كما لو كان عليه طبقة من الزجاج التيل مأزز او ربما يكون تيل الاسطوانة عليه بعض من الزيت , هنا يجب تغيير التيل و لكن من الافضل ان يتم تغيير الاسطوانة كاملة , كما انك تحتاج ايضًا الى تغيير اويل سيل عمود الكرنك الخلفي و لكن ذلك في حال وجود زيت على تيل الاسطوانة
س
7️⃣️- حد مره سال لو السياره بترعش في الطلعه ؟⤵️داااا يا برنس ضعف سوست اسطوانه الدبرياج او بسبب وجود اعوجاج في الاسطوانه وش كدا
او ان التيل فيه عالى وواطي فلالازم تغيير الاسطوانة يا معلم
س
8️⃣️- طب لو السيارة بتدور و بتنط كما لوكانت معشقة وركز هنا احيات ابوك يا شيخ ؟؟⤵️بص مبدائيا ً لما تركن العربية فترة طويلة فـ الاسطوانة بتلزق في ديسك.
فلازم تدوووس على الفرامل وانت بتدور العربية لو ملتصقين بعض زى التونزز بعد عدة دورات مارش سيفك الالتصاق اما لو فضل الالتصاق مستمرًا اااارفع عجلة من عجلات الاماميه لعربيه اليمن مثلا وعشق العريبيه وروح دوررر كونتكت و تدوس على الفرامل مع تزويد البنزين
مفعتش ربنا معاك بقى روح غير طقم الدبيراج كلوا اتحرق منك
س
9️⃣️ - مش فاكر مين سال لو في صعوبة في تعشيق الفتيس في جميع السرعات .؟؟⤵️الاول بص على سلك الدبرياج واعمل له رجلاش من اول السلك الدواسه لحد اخر الكبوت تحت
او هرد عليه وانااا ببكى بسح دموع ياابنى ربنا يعوض عليك فى كسر في اسطوان
س
🔟– فى مره لاقيت في رجه فى بدال الدبرياج لما ضغطت خفيف وانا بدورر العربيه ؟⤵️الرجه دى بتروح لما بزود السرعة فرحت خبطه على القرعه قولت له الحدافة الحمار الى فى اسيوط لما عطلت مش ركبها صح ومحكم على شفة عمود الكرنك يعنى يا عمده فى انحناء لشفة الحدافة بعمود الكرنك . وقتها عم عبدوا ضبط الاداء الله يرحمه بقى
س
1️⃣️1️⃣- كتير اوووى صدعونا بـ تسمع صوت ونة في الموتور و يختفي الصوت عند الضغط على بدال الدبرياج .!!؟⤵️هنا حالتين ملهمش تالت بالصلاة على النبى
لبيله الدبرياج بايظه وهتغيرها وتحمد ربنا وتسكت وهتسمع الونه زى صوت خشونه وانت واقف سلنسيه فى صوت كدا وانت عمال تغير وسمع وبتغير فى الغيارات ع الواقف
الحاله التانيه بيبيله الفتيس نفسها وانسى تغير لانها على عمود الفتيس نفسه من جوه وقتها هتعمل لعبه ظريفه لتنسى الصوت دا وتحط زيت 140 مع نص من زيت 90 تخلط زيت بقى او تخلى الزيت تقيل وانت نصيبه لحد ما تغير فتيس كامل
وتعالوا نشرح دا حبتين كدا فى السريع
☑ ✔و لو تلاحظ تلاقى ان الناس بتنبة السواقين الجداد انهم ميحملوش رجلهم على الدبرياج عشان ميحرقوش البلية... لان فى الحالة دى البلية بتلمس الدسك و تفضل تلف على الفاضى طول الوقت و دة بيقلل عمرها الافتراضى بشدة
البعض بيعتقد ان بلية الدبرياج مبيبقاش عليها حمل و انت سايب دبرياج بالتالى مينفعش تبقى هى مصدر الصوت
ياباشا ... سوست الديسك بتلطشها وأنت بتفصل الدبرياج فلو خشنه ( تعمل الوره المعروفه ) البليه بتبقى هى اللى محمله على سوست الديسك والدبرياج معشق والحمل الكبير بيحصل عليها لحظة نطر السوست ليها للخلف وقت سحبها لورا بالشوكه أو الفورش لحظة تحرير مكونات الدبرياج
يعنى البليه محمله جامد على السوست وبدور معاها بسلاسه وماشى الحال
هنا بأه السوست بتكون محمله على البليه ( علشان البليه بدور ومفيش مشكله )
لحظت بأه ما بأروح شادد البليه لورا بالشوكه ( علشان أفصل المكونات )
ونظرا لأن البليه كانت كاتمه على نفس السوست السوست تقول روحى بأه ياشيخه وسيبينى فى حالى دا أنتى كنتى كاتمه على نفسى بأه بتروح زقاها بعنف لورا برضه
فى لحظة زق السوست للبليه دى بيكون أقصى حمل واقع على البليه
أفتكر رشدى أباظه وهو بيزق البتاع بتاع المولد أياه
ولو البليه كانت مشخشخه ( نظرا للعمر الأفتراضى أو كفائتها )
بتظهر الوره فى اللحظه دى بالذات
.
س
2️⃣️1️⃣️ومش هننسى ناس ال عندها مستر زيت هيدروليك فيه تسريب ؟؟⤵️دا مش يتعب نفسه يبص على الماستر الرئيسى او الامامى فيه مشكله او طقم حشو ونصيحه شراء العبد .
س
3️⃣️1️⃣️- ازاي احافظ علي الاسطوانة واجزاء الدبرياج يابومازن ؟؟⤵️بالتحريق المعتدل على المكنه وأنت على أى غيار متزودش عن 5000 لفه ( فى أسوأ الأحوال ) وطبعا في الزحمة بفضل حاطط رجلي علي الدبرياج ........... ده غلط ولا ايه؟؟
حسب الزحمه وشدتها لو زحمه معقوله .....ينفع فيها التموير يبقى ده الصح بدل من التحميل على دواسة الدبرياج أما الزحامات بأه بتاعة الحركه بالدبرياج والبنزين
بتبقى غصب عننا ....ولازم نستحملها ربنا يكفينا شر الزحامات من هذا النوع الأخير
.
س
4️⃣️1️⃣️-هل يضر الدبرياج ان الواحد يفضل دايسه لفتره طويله سواء العربية متعشقه او مموره؟؟⤵️ضرره والعربيه معشقه ..... ولا يوجد ضرر والعربيه متموره
.
س
5️⃣️1️⃣️ليه لما بشيل رجلي من عالدبرياج بحس ان في حمل اتحط عالموتور؟؟ وهل ده طبيعي؟⤵️- ايون طبيعى لكن الفكرة انهم قالولي لازم تشيل رجلك من علي الدبرياج خالص وبعد كده تزود بنزين .... ده صح فعلا من الزاويه الفنيه ... بس هذا لايمنع أن رجلك تبقى ثابته على البنزين فى وضعه قبل النقل
وبمجرد ماتتلم مكونات الدبرياج على نفس وضع لفات المكنه ( نفس زاوية رجلك اليمين على البنزين )
بعد أطمئنانك على عملية التعشيق للنقله وخطف رجلك من على الدبرياج
ممكن بعدها بأه تبدأ التزويد للبنزين ( حسب الرغبه )
.
س
6️⃣️1️⃣️ هل في ضرر لو دوست بنزين بعد الغيار وانا لسه رجلي علي الدبرياج ؟؟⤵️نعم يوجد ضررا وخاص بأمكانية تعرض الأسطوانه للتآكل لو كنت تقصد
أنك تزود بنزين وأنت بتسيب لسه دبرياج ( أى لم يكتمل لم مكونات الدبرياج )
أما لو كنت فاصله على الآخر فلاتوجد مشكله حتحس فقط بعلو صوت المكنه لو كنت بدوس بنزين فى الحاله دى فوووووووووووووووووووو
.
س
7️⃣️1️⃣️- طيب لما اجي اخد الثالث بدوس دبرياج وباخد الثالث ورجلي لسه مش علي البنزين⤵️ياباشا الدبرياج شمال والبنزين يمين
أفصل برجلك الشمال بخفه وألقط الغيار التالت على الطاير بأيدك اليمين وروح مزود برجلك اليمين هو أنت لسه جديد فى السواقه ولا أيه النظام العمليه عملية تعود مش أكتر
.
س
8️⃣️1️⃣️- عندى مشكلة هتجننى ومش عارف اعمل اية يابومازن ؟وانا ماشى اهدى لحد مالسرعة تقل عن العشرة كم يعتبر العربية واقفة
لو اديت الغيار التانى كتير عليها والعربية مش هتبقا حلوة فى الطلعة ...
اجى ادى الاول احس بتعشيق التروووس فى بعض واسمع صوت الزعئة
كانت المشكلة فى الاول بس ....... دلوقت بات فى الاول والتانى احيانا كتير
دى مشكلة اية ؟؟
⤵️ألاول بيجى عادى و انت ماشى و لحد ما تبقى ماشى بسرعة 30
الموضوع كلة فى ضبطة ايدك و انت بتعشق الاول.... متتعافاش على العصاية و ادى التروس ثانية تزامن سرعاتها مع بعض حتلاقى الاول عشق معاك زى الحرير
.
س
9️⃣️1️⃣️️- طب ليه بيتكتب فى كتالوج العربية انك تضغط عالدبرياج قبل متدورها؟⤵️فيه أسباب فنيه كتير بتفيدك مع فصل الدبرياج
وأذكر منها على سبيل الذكر لا الحصر
1- تخفيف الحمل الكهربى على المارش
2- تقليل كمية التيار المنزوعه من البطاريه وقت الدواره ( على البارد أو الساخن )
3- التغلب على لزوجة الزيت وخصوصا فى حالة أستعمال زيت ذو لزوجه عاليه ( لظروف بالمكنه )
4- الحفاظ بقدر الأمكان على مكونات المكنه الميكانيكيه وقت تقويم المكنه
وخصوصا سبائك عمود الكرنك وهكذا
أى سبب من دول كفيل أن يخليك مدورش إلا وأنت فاصل الدبرياج
الهدف أنك تخلى رجلك دايسه على دواسة الدبرياج
على آخر مشواره وتثبتى رجلك على الدواسه لحد ماتدورى وتطمنى أن المكنه دارت خلاص بعد كده تسيبى الدواسه بهدوء لعدم حدوث رزعه داخل الدبرياج
كمكونات مفصصه ومع ترك الدواسه الفجائى حتتجمع مع بعضها بعملية التعشيق بين الأوجه الأحتكاكيه للدبرياج على أساس أنه ( أى الدبرياج ) بيسمى كقابض أو كلاتش
.
السوائل ال جاى مهم وهتفهم منه المنظومه وتريح الدبرياج وتسوق ازى ركززززز
.
س
0️⃣️2️⃣️-
هل رفعت رجلى فجاءه من ع الدواسة الدبرياج بعد الدواره والأطمئنان على
دوارة المكنه ممكن يولد رزعه ميكانيكيه أم الترك السلس للدواسه وبهدوء بعد
الدواره............لايولد رزعه⤵️مثلا دايس بنزين علي اي غيار الثاني مثلا ......... طيب لما اجي اخد الثالث بدوس دبرياج وباخد الثالث ورجلي لسه مش علي البنزين في الجزء ده بقي ارفع رجلي من علي الدبرياج كله ولا ادوس علي البنزين ورجلي لسه علي الدبرياج وازاي احافظ علي الاسطوانة واجزاء الدبرياج وطبعا في الزحمة بفضل حاطط رجلي علي الدبرياج ده غلط ولا ايه؟؟
لما اجي اشيل رجلي من علي الدبرياج العربية بتتخطف مني كده والاربي بي ام بيكون طبعا نزل علشان مش دايس بنزين
ولما بشيل رجلي من علي الدبرياج بعد الغيار علشان ابدأ ادوس بنزين العربية بتتخطف كده مش الغيار ماشي مع الغيار
هو اكيد ده عيب مني وانا بشيل رجلي ... علشان لما بشيلها براحة مبتعملش كده ..... بس الفكرة اني مش كل نقلة هاقعد اشيل رجلي من علي دواسة الدبرياج براحة
علشان كده بستعيض بحركة اني ادوس بنزين وانا لسه مشيلتش رجلي من علي الدبرياج
• علشان كده بستعيض بحركة اني ادوس بنزين وانا لسه مشيلتش رجلي من علي الدبرياج سرعة التفاعل فى الأحوال دى
مطلوبه بين دواسة الدبرياج ودواسة البنزين شيل بخفه وسلاسه فى لاوقت من على الدبرياج وتلقائيا تزود بنزين وراها فورا
.
س
1️⃣️2️⃣️- اجى ادى الاول احس بتعشيق التروووس فى بعض واسمع صوت الزعئةكانت المشكلة فى الاول بس ....
⤵️غلط فنيا تدى الأول والسياره متحركه أنا عمرى ما بأعملها وفيه ناس بتعملها
لأن ده ممكن يبوظ مجموعة الأول وغويشة الأول والتانى أمال الأول ( أسمه الأول ليه ) مش علشان تتحرك بيه الا نادرا ( حسب الظروف ) ده مصمم لتحريك السياره من وضع السكون لوضع الحركه مش أكتر بيقولوا عليه فى لغة السوق ..........الأول مش بتاع مشى بس ساعات بنستعمله فى الأوقات العصيبه والزحامات أياها
اجى ادى الاول احس بتعشيق التروووس فى بعض واسمع صوت الزعئة
كانت المشكلة فى الاول بس .... وسلوكك هذا ........هو اللى بيعملك الدربكه والأصوات المحجره اللى بتسمعها جوه الفتيس دى ( الزعئه اللى بتقول عليها والزرجنه فى التعشيق )
.
س
2️⃣️2️⃣-️ طب لما اكون بسمع صوت رنة عند استخدام الدبرياج .؟؟؟⤵️لو سمعت رنة عند تشغيل او الضغط على الدبرياج فدا الرولمان الدبرياج باظ يا معلم اما في السيارات التي تعمل بنظام دورة الهيدروليك اوز يت الباكم فانه بدلًا من سلك الدبرياج يجب ان يتم التأكد من انه يوجد زيت في خزانة الزيت و كذلك التأكد من ان الخراطيم سليمة و لا يوجد اي تسريب في المواسير و ان الماستر العلوي سليم و كذلك السفلي و هنا المعالجة تكون بعلاج المشكلة ان ظهرت في اي جزء من الاجزاء التي تم فحصها .
طب تعالى بقى نفهمها براحه يا حاج وركز
😥
سوست الدسك ضاغطة الدسك شخصيا فى مواجهة ترس الفلام و بالتالى بتبقى
الاسطوانة معصورة بين الاتنين و نتيجة للضغط الشديد و التتماسك بين الاجزاء
التلاتة (الفلام و الاسطوانة و الدسك) بيدوروا كانهم قطعة واحدة... و
بالتالى الحركة بتتنقل من الفلام الى الاسطوانة و الى عامود الدرك من خلال
المشرشر بتاع الاسطوانة اللى راكب على عامود الدرك... كل دة البلية برة
اللعبة تمامالما بتدوس دبرياج الفورش بيتحرك من مكانة
• الفورش ملوش دخل بالسوست خالص
دا يادوب بيبقى مجرد كرسى حامل للبليه ( اللى محمله على السوست والمفروض بدور وشغاله برضه )
لما الفورش أو الشوكه ( اللى عامله زى الهلال ) بتسحب البليه لورا جهة الفتيس
هنا البليه بتكون أساسا كانت بدور ( بحمل دوران عادى شبه منتظم )
بس لحظة سحبها لورا بالفورش بتتعرض لرد فعل سوست الديسك
السوست بتزغدها بقوه أفقيه للخلف
تخيل بأه لو كانت البليه مشخشخه أساسا وماشي حمل الدوران يادوب ومش باين أثر تلف البليه لسه
ولكن لما السوست زغدتها راحت مشخشخاها لورا ( البلى أو الكور اللى جواها حيرعش علشان مشخشخه ) أيه اللى ممكن يحصل
الورررره اللى بنسمع عنها وبتظهر مع فصل الدبرياج فى حالة خفية وشخشخة البليه
⤵️⤵️
🔝
🛐حاولت انقل ليكم كل الاسئله والاسفسارت
في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى
ليست هناك تعليقات:
إرسال تعليق
ارجو من الزوار المشاركة بتعليقاتهم والاجابة على التعليقات