2- ماتسخنش العربيه الصبح اكتر من 30 ثانيه فى الصيف و 60 ثانيه فى الشتاء لأن برضه مالهاش اى 60 لازمه زى إللى فوق بالظبط واستهلاك بنزين على الفاضى.
3- أعلى استهلاك للبنزين والعربيه بتتحرك على الأول فتجنب الشوارع الزحمة بقدر الإمكان "استعمل جوجل ترافيك" علشان تختار طرق بديله.
4- اظبط الهوا بتاع كاوتش العربيه على حسب الدرجه المكتوبه على الاستيكر اللى على القايم بتاع باب السواق من جوه ولازم تتأكد انه مظبوط كل أسبوعين أو تلاته بالكتير ... طيب لو ظبط على الدرجه المكتوبه وحسيت إن العجل بيدبدب فى مطبات شوارعنا الجميله قلل الضغط درجتين بس ... ولما تيجى تسافر لازم ترجع تزوده للدرجه إللى مكتوبه علشان توفر بنزين فى المسافات الطويله وده بيوفر كتير فعلا.
5- لو مسافر على اى طريق الأفضل انك تقفل الشبابيك وفتحة السقف لو عندك وتفتح التكييف لأن دخول الهوا جوه العربيه على سرعات عاليه بيعمل مقاومه كبيره للانسيابيه، والأفضل تتجنب السفر فى الأيام إللى فيها عواصف وتيارات هوا جامده خصوصا لو سايق عكس التيار لأن الإستهلاك هيكون عالى جدا.
6- لو عندك أى أوزان تقيله فى شنطة العربيه مالهاش لازمه حاول تتخلص منها لأن كل ده وزن زياده للعربيه بيزود الإستهلاك.
7- الصيانه الدوريه للعربيه مهمه جدا ... زى تغيير الزيت والبوجيهات والفلاتر فى مواعيدها لأنه بياثر كتير على أداء العربيه وعلى حرق البنزين بطريقه جيده.
8- عدم التسارع المفاجئ والفرمله المفاجأة يعنى خلى سرعتك دايما منتظمه بقدر الإمكان وتفادي السواقه العنيفه.
9- لو هتقف شويه بالعربيه فى أى حته اطفى الموتور لأن ده أعلى استهلاك.
10- وانت واقف فى أى اشاره خلى الفتيس على ال N لو عربيتك اوتوماتيك وعلى المور لو مانيوال لأنها لو على ال A ودايس فرامل ده بيستهلك بنزين و تيل فرامل فى نفس ذات الوقت.
في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى
ليست هناك تعليقات:
إرسال تعليق
ارجو من الزوار المشاركة بتعليقاتهم والاجابة على التعليقات