معلومات هامة للسيدات المبتدئات لقيادة السيارة

شوية معلومات بسيطه للاخوه المبتدئين فى السواقة 

✅تتاكدى من الماية 

✅تتاكدى من الزيت ولو لقيتى الزيت لونه شبه الطحينة يبقى متتحركيش بالعربية لانها كدا طحنت وهتبوظى الموتور

✅تلفى عالاربع فرد كاوتش تتاكدى ان مفيش حاجة نايمة

✅تظبطى قعدتك دراعك ميبقاش مفرود للاخر لان مع اول فرملة قوية ايدك هتتكسر 

✅رجلك تبقى طايلة الدواسات وجايبة الدبرياج للاخر لو مش طايلة الدواسات ومش طايلة تشوفى الكبوت اقعدى على مخدة

✅تظبطى المرايات

✅ندوس دبرياج نمور الفتيس ندور العربية علشان لو دورنا وهى واخدة غيار هتنط مننا

✅متنسيش تنزلى فرامل اليد علشان الطنابير متبوظش

✅لازم نثبت المكان اللى هنركن فيه علشان لو قبل ما نطلع بالعربية لقينا بقعة تحت العربية نبقى عارفين ان دى مننا وننتبه ان فى حاجة غلط

✅لما نركن منحضنش عالرصيف علشان لو الفردة نامت يبقى عندنا وسع نحط الكوريك ونغيرها وتتطلع من مكانها الا اذا كان معاك كمبروسر هوا 

✅ركزى مع التابلوه اى نور يظهرلك فجأة اقفى وافهمى دا بتاع ايه 

✅خلى بالك من النور العالى بالليل بيزعج اللى قدامك فى العكسى

✅اتاكدى ان فى بنزين اكتر من ربع التانك علشان الشوائب 

✅اتعلمى تنضفى قواطيش البطارية لو عربيتك وبطاريتك قديمة بسبشرط تكونى شايلة المفتاح من الكونتاكت

✅رجلك تبقى خفيفة عالبنزين 

✅لو مانيوال لازم ندوس دبرياج للاخر علشان نحافظ عالتروس

✅لو مانيوال لازم تبقى رجلنا ميزان حساس بمعنى هنشيل سنة من الدبرياج نزود سنة عالبنزين وهكذا

✅تسيبى مسافة أمان

✅متنسيش الجنب اليمين بيبقى بالنسبة ليكى زاوية بعيدة ومنسية وممكن تشيلى صف عربيات على يمينك لو مركزتيش

✅نظرات سريعة كل شوية على ال٣ مرايات كل مراية ثوانى

✅لو العربية اللى وراكى ظهرتك فى الربع الخارجى العلوى فى المراية يمين او شمال متتخطيش حتى لو مدية اشارة لانه واخد سرعته

✅الإشارات حتى لو لوحدك فى الطريق لانها مسألة تعود

✅الاشارات قبل الدخول فى الشوارع الجانبية بمسافة كافية 

✅الاشارات قبل التخطى من حارة لحارة 

✅الاولوية للى فى الصينية

✅الاولوية للى ماشى فى طريق مستقيم بس نراعى اخطاء الغير اللى بيخرجوا من شوارع جانبية بسرعة عالية

✅تجنبى اخطاء الغير 

✅متمشيش عكس حتى لو الطريق مختصر وهيوفر عليكى

✅متدخيش ملف على سرعة عالية 

✅الملفات يمين على ضيق شمال على واسع

✅فى الصينية تلتزمى بالحارة بتاعتك الدخول والخروج

✅اعرفى قواعد السير والاولوية بتبقى لمين 

✅اتعلمى لغة اشارة النقل 

✅ويفضل متقربيش من النقل نهائى لانك بالنسبة ليه نقطة عمياء

✅اتعلمى ان اللى قدامك يبقى دليلك لو لقيتيه بيهدى تهدى لو لقتيه داس فرامل يبقى تفهمى انه قابل حاجة

✅احسن دليل بيبقى الميكروباص والتاكسى بيبقوا حافظين الطرق

✅خايفة او عندك عطل شغلى الانتظار والتزمى بالحارة اليمين 

✅فرملى قبل المطب والحفر بمسافة كافية علشان العربية متتهبدش منك يعنى اقصى سرعتك تكون ٢٠ 

✅لو شارع اول مرة تمشى فيه امشى بالراحة علشان المفاجآت

✅راعى سرعتك فى المناطق السكنية والاماكن اللى فيها مدارس

✅رجلك جاهزة عالفرامل قبل المطبات والملفات والتقاطعات والمنزل لأن العربية بتكون بتجرى لوحدها 

✅السرعة تكون مناسبة للغيار يعنى مينفعش امشى على ٤٠ وجايبة الرابع او العكس

الاول اقصى تقدير ٢٠

التانى اقصى تقدير ٤٠

التالت اقصى تقدير ٦٠ 

الرابع اقصى تقدير ٨٠

ودى هتبقى بالممارسة مش محتاجة تبصى عالعداد

✅متفاديش بالدركسيون فادى بالفرامل بمعنى لو قابلتك مشكلة مفاجئة زى مطب او حفرة او حد بيعدى او اللى قدامك فرمل على غفلة دوسى فرامل اخرك فى الفرامل ان اللى وراكى هيخبطك ودا طبعا مبيبقاش فرامل مفاجأة على سرعة عالية المفروض ان لو سرعتك عالية بتمورى الفتيس وتطبطبى عالفرامل وتنزلى بالغيار لأقل سرعة مناسبة للعداد

 والمفروض بيبقى اللى وراكى سايب مسافة أمان وانتى كمان تبقى سايبة مسافة بينك وبين اللى قدامك لأن مسافة الامان بتدى براح للفرامل المفاجأة يعنى الضرر هيبقى خفيف

لكن لو خليتى رد فعلك بالدركسيون بمعنى هتكسرى يمين او شمال مفاجئ ممكن تلبسى ١٠ عربيات فى بعض او تطلعى على رصيف تخبطى حد او تلبسى فى شجرة او عامود لا قدر الله 

✅لو هتخرجى من الركنة او ترجعى لورا لفى الدركسيون وظبطى اتجاه العجل قبل ما تتحركى 

✅هتهدى سرعة يبقى فرامل بس 

✅هتقفى خالص يبقى دبرياج وفرامل

✅اتعاملى مع كل اللى حواليكى انهم مبيعرفوش يسوقوا

✅لو العربية واقفة فى مطلع وخايفة تريح عاللى وراكى ندوس دبرياج للاخر ونحط رجلنا عالفرامل للاخر ننزل فرامل اليد ونرفع رجلنا من عالدبرياج بشويش لحد ما نلاقى العربية عملت رجة او رعشت او اتهزت نثبت الدبرياج على كدا ونشيل رجلنا من الفرامل بشويش نروح للبنزين نزود بشويش ونكمل الميزان على كدا

✅متقفليش الازاز وتعلى الكاسيت عالاقل علشان لو حد اداكى كلاكس ينبهك لشئ تسمعيه 

✅لو هتركنى فى مكان ضيق وخايفة روحى مكان تانى واسع علشان متأذيش حد حتى لو بعيد وهتمشى شوية 

✅فى الصيف متمليش تانك البنزين للاخر علشان الحرارة العالية بتخلى البنزين يتمم وممكن تعمل انفجار

✅متظبطيش الروج وانتى سايقة 

✅متسيبيش ولاعة او سبرتو او برفان فى العربية 

✅الدركسيون مش سميط هناكله وخايفين يتسرق ولا هو غطا حلة هيقع على رجلنا 

نخلى ايدينا هادية فى الحركة 

✅متدوسيش فرامل على سرعة عالية شيلى رجلك من عالبنزين ومورى وانزلى بالغيار يعنى قلليه والفرامل تبقى طبطبة 

✅لما تدخلى بنزينة شوفى اتجاه تانك البنزين يبقى ناحية تانك البنزين والمسدس

✅وانتى بتزودى البنزين تكونى مبطلة العربية 

✅فى الشتا اول ما نقعد فى العربية نفتح الازاز شوية قبل ما نقفل الباب علشان منعملش شبورة بالنفس بتاعنا

✅متفتحيش الريداتير والعربية سخنة لانه ممكن يحرقك

✅اى حد رخم عايز يتخطانى بعديه او حتى يزنق عليا بسيبه يعدى لأننا فى الاخر هنتقابل عند اول مطب 😅

✅السواقة متعة بس عايزة تركيز وانتى قدها 💪

البوست ماهو الا اجتهاد شخصى وعصارة افكارى 😅

في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

غلق محال الصاغة بالزقازيق

فى الزقازيق مدينة وعاصمة الشرقية اغلقت محال الصاغة اليوم ابوابها وسادت حالة من الهدوء والظلام بميدان الصاغة الذى يتسم دائما بالذحام وسط ترقب فى سوق الصاغة وتوقف التسعير والمابيعات بعد ان شهدت اسواق الصاغة ارتفاعات مبالغ فيها والقبض على تجار كبار فى محافظات عديدة وكذلك حملات التموين والتجارة الداخلية لمراقبة الاسواق 

في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

توقعات بانخفاض اسعار الذهب مع استمرار الاصلاح الاقتصادى

جرام الذهب عيار 21 وهو الأكثر مبيعا في مصر 3310 جنيهات للجرام من عيار 21 وهو الأكثر مبيعا في مصر، مع استمرار ارتفاع الطلب على الذهب بالسوق المصرى.

أسعار الذهب اليوم: 

عيار 24 يسجل 3783 جنيها.

عيار 21 يسجل 3310 جنيهات.

عيار 18 يسجل 2837 جنيها.

عيار 14 يسجل 2200 جنيه.

الجنيه الذهب 26480 جنيها.

مصنعيات جديدة على السبائك 

تتجه الشركات المنتجة لسبائك الذهب في مصر لإعادة تسعير مصنعيات بيع السبائك الذهب لسنة 2024، حيث تقوم الشركات بمراجعة زيادة تكاليف إنتاج السبائك حاليًا على أن يجرى إعلان أسعار مصنعيات السبائك للعام الحالي خلال الأيام المقبلة، وفق ما صرح به مصدر في شعبة صناعة المعادن الثمينة.

 

وتختلف مصنعيات سبائك الذهب بحسب وزن السبيكة، حيث تزداد مصنعيات السبائك الذهب في مصر كلما تراجع وزن السبيكة، فمصنعية سبيكة وزن واحد جرام قد تصل إلى 75 جنيها للمستهلكين في حين مصنعية سبيكة ذهب وزن كيلو قد تكون 27 جنيها فقط.

في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

تراجع 70 جنيه فى سعر الذهب.. ومفاجأة مرتقبه في سعر الذهب قريبا

تراجع أسعار الذهب فى الصاغة ٧٠ جنيه للجرام.. بعد قرار الفيدرالى

#اسعارالدهب

عيار 24 بيع 1930 شراء 1942

عيار 21 بيع 1690 شراء 1700

عيار 18 بيع 1440 شراء 1450

في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

وفاة كل من تلقى لقاح كورونا وخبير الفيروسات يحسم الامر

وفاة كل من تلقى لقاح كورونا .. قال الدكتور أحمد شاهين، أستاذ علم الف5يروسات وعضو مجلس الشيوخ، إنه تلقى سؤالا غريبا من أحد المواطنين بشأن لقاح فيروس كورونا، يقول:” هل سنموت بعد عامين من الحصول على اللقاح .

مشير الى أن هذا الكلام ليس له اى دليل على صحته وغير صحيح على الاطلاق، معقباً :” أنا من لحظة الحصول على اللقاح ولا يوجد اى مضاعفات منه ” قائلا:” انا زعلت جدًا من هذا السؤال”.

وأضاف “أستاذ علم الفيروسات”،خلال تصريحات تليفزيونية، أن جميع لقاحات كورونا آمنة، ولا يوجد بها أى مشكلات على الجسم، وجميعها تعطى مناعة.

وأشار ” شاهين” إلى أن تطعيم شلل الأطفال هو نفس تطعيم لقاح كورونا الصيني، والجميع لا يجد مشكلة من تطعيم شلل الأطفال.

وفاة كل من تلقى لقاح كورونا

ولا يوجد مشكلات من لقاح كورونا ، لافتا إلى أن من يردد هذه الشائعات هدفة الرئيسي عمل المشكلات، وحدوث انتشار للفيروس.

في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

تعرف على سعر ومواصفات وصور لادا نيفا ٢٠٢٢ دفع رباعى بمصر

 تاتى لادا نيفا بهيكل بطول 4 أمتار تقريبا، عرضه 180 سم، ارتفاعه 165 سم والمسافة بين محوري العجلات فيه 245 سم، كما جهّزت بعدة وسادات هوائية لحماية الركاب أثناء الحوادث، وشاشة لمسية كبيرة للتحكم بخصائص المركبة ومراقبة محيط المركبة عبر الكاميرات، وأنظمة لتدفئة المقاعد والمقود، ونظام للحفاظ على الثبات على المنحدرات والمنعطفات. تاتى بمحرك ١٦٠٠ سى سى وناقل حركة اوتوماتيك وسيتم طرحها بسعر ٢١٠ الف جنيه

في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

وفاة دكتورة بحى الزهو بعد سقوطها من الدور السابع

انا لله و انا اليه راجعون توفيت د رشا اللي راحت ضحيه للاكتئاب بعد سقوطها من الدور السابع بحى الزهور وحدث لها كسور ونذيف شديد وتقف القلب فى الحال وتجمع الاهالى بحى الزهو وحضرت الشرطة واتخاذ الاجراءات وتلاحظ وجود سكينة على الارض بجوارها 

اللهم اغفر لها انت عالم بحالها و نفسيتها المتدمره بسبب اللي حصلها و يارب اتولى بنتها و صبر مامتها عالابتلاء الشديد دا  

في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

تعرف على مواصفات السيارة الكهربائية الجديدة ب ٧٠ الف جنيه التي تستعد جنرال موتورز لطرحها في مصر !

جنرال موتورز تستعد لتقديم أكثر من 30 سيارة كهربائية جديدة كليًّا قبل حلول عام 2030م، وتستعد لتقديم عدد منها بالسوق المصرية بالتعاون مع وكيلها الحصري المنصور للسيارات، واستعرضنا الاجتماع الأول والرسمي بين رئاسة الوزراء والشركة لدراسة إمكانية التعاون لتنفيذ مشروع صناعة وتطوير السيارات الكهربائية في مصر.

 

 

وفي نهاية هذا الاجتماع تم استعراض سيارة كهربائية صغيرة، والتي أوضحت شركة المنصور وجنرال موتورز أنها ستقدمها بالسوق المصرية في العام المقبل، وفي هذا التقرير سوف نستعرض لكم الأسعار والمواصفات التفصيلية لهذه السيارة، والتي تُقَدّم بالسوق الصينية منذ بداية عام 2020م، وحققت مبيعات تخطت 30.000 ألف سيارة بالصين فقط حتى الآن، وباعت أكثر من 120.000 ألف سيارة عالميًّا.

 

 

يتم تصنيع السيارة بالتعاون بين شركة جنرال موتورز الأمريكية GM، وشركة سايك SIAC، وويلنج موتورز Wuling Motors، وهي سيارة هاتشباك صغيرة للغاية بثلاثة أبواب وأربعة مقاعد، بطول إجمالي 2917 ملم، وعرض 1493 ملم، وارتفاع 1621 ملم، وقاعدة عجلات 1940، ووزن يبلغ 665 كجم فقط، وتقدم مساحة تخزين 741 لترًا في حالة طي المقاعد الخلفية.

 

 

فيما يخص منظومة القوة، فتقدم Wuling Hongguang Mini EV الصغيرة بمُحرك كهربائي واحد مُثبت على المحور الأمامي، يُولد قوة 18 حصانًا تقريبًا، وعزم دوران 85 نيوتن متر، والكافي لتحقيق سرعة قصوى 100 كم/الساعة، مع خيارين لحزمة البطاريات، الأول 9.2 كيلوواط/الساعة ذي يُمكن السيارة من قطع مسافة 120 كم/الساعة، والخيار الأكبر بسعة 13.8 كيلوواط/الساعة، والذي يُمكنها من قطع مسافة 170 كم بالشحنة الواحدة.

 

 

بالنسبة للتجهيزات، تقدم ويلنج ميني EV، بعدد مقبول منها مثل ABS، نظام مراقبة ضغط الإطارات، حساسات صف خلفية، ومُكيف هواء، نوافذ كهربائية، نظام صوتي، أماكن تخزين متعددة، ومصابيح أمامية LED، وغيرها من التجهيزات.

 

 

بالنسبة للسعر، فيبدأ سعر Wuling Hongguang Mini EV المتوقع تقديمها في مصر العام المقبل، من 4.380 دولار أمريكي، ما يُوازي 68.700 ألف جنيه مصري، وإذا تم بالفعل تصنيعها محليًّا، فيتوقع أن تُقَدّم بنفس السعر أو أقل، خصوصًا بعد تصريح رئيس الوزراء مصطفى مدبولي، بإمكانية تقديم مبادرات تتضمن حوافز ودعم كبير لمن يقوم بشرائها.

 

 

مواصفات وأسعار Wuling Hongguang Mini EV الكهربائية
السعر المبدئي	4.380 دولارًا، ما يُوازي 68.700 جنيه مصري
المُحرك	كهربائي بقوة 18 حصانًا، وعزم 85 نيوتن متر
الخيار الأول للبطارية	9.2 كيلوواط – مسافة 120 كم بالشحنة الواحدة
الخيار الثاني للبطارية	13.8 كيلوواط – مسافة 170 كم بالشحنة الواحدة
السرعة القصوى	100 كم/ الساعة

في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

منيو اسعار مخبوزات خالية من حساسية القمح مخبز جامعة الزقازيق

في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

العشرة جنيه الجديدة وصلت بمزايا كثير

عملة 10 جنيهات البلاستيكية والمصنوعة من مادة (البوليمر) التي يعتزم المركزي طباعتها رسميا في شهر نوفمبر المقبل، وقد استقر المركزي على بعض النماذج لشكل ورقة 10 جنيهات البلاستيكية لتكون أول عملة تصنع من مادة البوليمر في مصر.

وتتميز فئة الـ10 جنيهات الجديدة، بالمرونة والقوة، والسمك الأقل، والتى تتيح عمرا افتراضيا أطول يصل إلى نحو 5 أضعاف عمر الفئة الورقية المصنوعة من القطن، إلى جانب أنها مقاومة للماء، وأقل فى درجة تأثرها بالأتربة، وهى صديقة للبيئة، وذات قابلية أقل كثيرًا فى التلوث مقارنة فئات النقد الورقية المتداولة، بالإضافة إلى صعوبة التزييف والتزوير، فى الأسواق وتعد من أكثر فئات البنكنوت الجديدة تداولًا

في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى

انواع قطعيات اللحوم وافضل طرق الطهى

1. قطعية الكتف الكندوز (Beef chuck)

خواص القطعية:

• الكتف يعتبر من أقسى وأنشف قطعيات العجل، وده لإنه أكتر جزء بيستخدمه العجل عشان يتحرك. وبالتالي اللحمة من منطقة الكتف بتكون ناشفة عن منطقة زي الظهر مثلًا اللي بيطلع منها أكتر القطعيات طراوة في العجل زي العرق الفيليه.
• الكتف بيشكل جزء كبير من العجل وبينقسم لقطعيات تانية كتير لها مسميات مختلفة.
• بالرغم إن الكتف لحمته ناشفة، إلا إن قطعيات الكتف من القطعيات الأكتر نكهة وأشهى طعم.

 

أفضل طرق طبخ قطعية الكتف الكندوز:

• أشهر جزء من الكتف هو السن ولحمة السن ممكن الجزار يقطعها في صورة مكعبات تدخل في السلق، والطواجن بالخضار، ولا تصلح للشوي.
• لحمة السن تصلح جدًا لعمل المفروم عشان تعملي منه الكفتة المشوية، داوود باشا، أو البرجر أو العصاج العادي.
• في جزء واحد من الكتف ممكن يطلع منه شرايح لحمة ستيك تصلح للشوي اسمها (flat iron steak)، غير كده قطعيات الكتف كلها أفضل طريقة لطبخها هي الطهي الرطب يعني لازم إضافة المياه أو المرقة أثناء الطهي.

 

 

 

2. الفخدة الكندوز (beef Round)

أكلات الفخدة الكندوز – أكلات عيد الأضحى 2021 – alderspring

 

خواص القطعية:

• الفخدة برضه زي الكتف، بتشكل جزء كبير من العجل، وتعتبر قطعية رئيسية جواها قطعيات فرعية كتير بمسميات مختلفة، أشهرها والمعروفة أكتر عند الجزارين: وش الفخدة، السمانة، ظهر الفخدة، العرق التريبيانكو، والموزة والاتنين دول هنتكلم عنهم على حدى.
• اللحمة من منطقة الفخدة تعتبر نسبيًا من القطعيات الأقل طراوة لإنها في جزء من العجل معرض للحركة بشكل كبير، ودي قاعدة عامة في عالم اللحوم: كل ما كانت القطعية من منطقة معرضة للحركة أكتر، كل ما كانت أقسى وبتحتاج وقت أطول في الطبخ.
• وش الفخدة والسمانة بيطلع منهم البوتيك، ولحمتهم بتكون حمرا ما فيهاش دهون كتير وممكن يطلع منهم كباب الحلة كمان، أما ظهر الفخدة بتكون أنشف وأقسى لكن بتصلح جدًا للمفروم.

 

أفضل طرق الطهي الفخدة الكندوز

طرق طبخ الفخدة الكندوز – أكلات عيد الأضحى – 2020evergreenfoods

• الفخدة زي ما قلنا، فيها قطعيات فرعية متنوعة، منها اللي بيصلح للسلق والطواجن واليخني زي الموزة مثلًا، ومنها اللي بيصلح للشوي في الفرن زي العرق التريبيانكو، بعض الأماكن ممكن يطلع منها قطع ستيك تصلح للشوي زي الكولاته.
• وش الفخدة بيطلع منه مكعبات كباب الحلة اللي بتصلح للطبخ مع الخضار وللطواجن والسلق البطيء وكمان البوفتيك. وظهر الفخدة بيصلح للمفروم لإنه الأقل طراوة من قطعيات الفخدة.
• العكاوي أو ذيل العجل بيعتبر جزء من الفخدة وبيجود جدًا في عمل الطواجن وبتحتاج العكاوي طهي بطيء على نار هادية لأفضل نتيجة.

 

 

3. الموزة الكندوز (Beef shank)

أسماء قطعيات اللحوم – الموزة الكندوز – themeathub

أسماء قطعيات اللحوم – الموزة الكندوز – wildforkfoods

 

خواص القطعية:

• مين ما بيحبش الفتة، وأحلى فتة هي فتة الموزة طبعًا. الموزة هي اللحمة الموجودة في رجلين العجل الأمامية والخلفية، وأكتر حاجة بتميزها نسبة الكولاجين الموجود فيها اللي واضح جدًا في الصور. وده بقى مع الطبخ على نار هادية، بيتفتت ويتحول لجيلاتين وبيكون محبب عند كتير من الناس في الأكل.
• قطعية الأوسوبوكو هي نفسها الموزة بس بالعظم بتاع الرجل. وبيكون جوه العضم في شوية من النخاع اللي طبعا بيدي نكهة وفايدة كمان، والأوسوبوكو قطعية مشهورة جدًا في إيطاليا، بتتعمل بطريقة اليخني مع الخضراوات وبتطبخ على نار هادية لمدة طويلة (slow-cooking)، فبالتالي اللحمة بتدوب والصوص بتكون نكهته خرافية.

 

أفضل طرق طبخ الموزة الكندوز:

طرق طبخ الموزة الكندوز – أكلات عيد الأضحى – thekitchenmagpie

• الطبخ لمدة طويلة على نار هادية (slow-cooking) هو اللي هيخلي الموزة تدوب تمامًا وتستمتعي وانتي بتاكليها.
• ممكن تتسلق على نار هادية جدًا عشان تستوي كويس وتدوب. وممكن تتطبخ مع طواجن الخضار في الفرن أو تتعمل في أي نوع من اليخنات، وطبعًا لا تصلح مع الشوي أو أي طهي جاف من غير إضافة مرقة أو سوايل.

 

4- أسماء قطعيات الستيك

 

أشهر قطعيات الستيك:

• قطعة الإنتركوت Strip-Loin
• قطعة التي بون ستيك T-Bone Steak
• قطعة الريب آي Rib eye steak

 

أشهر قطعيات الستيك – أكلات عيد الأضحى – bbqdryrubs

أشهر قطعيات الستيك – أكلات عيد الأضحى 2021 – ottogrill

• التلات قطعيات دول هم قطعيات ستيك ويعتبروا من القطعيات الطرية لإنهم من منطقة ظهر العجل، وهم من أكتر القطعيات المشهورة اللي بتقدمها مطاعم الستيك.
• بالنسبة للطعم، فهو بيختلف من قطعية للتانية وكل شخص بيكون ليه قطعية مفضلة أنا بالنسبة لي الأعلى والأفضل طعمًا هي الريب آيRib-eye.
• الاختلاف بين التلاتة هو إن الإنتركوت (strip-loin) فيها شريط من الدهون الخارجية حوالين قطعة الستيك، أما الريب آي فيها نسبة عالية من الدهون برضه، لكنها داخلية جوه حتة اللحمة نفسها.
• أما بالنسبة للتي بون، هي قطعة مميزة جدًا لإنها عبارة عن قطعيتين من اللحمة بتفصل بينهم العظمة اللي على شكل حرف T، القطعيتين دول هما الفيليه والإنتركوت، ودي الجزار بيستخدم منشار كهربائي خاص باللحوم عشان يعرف يقطعها ويطلعها بالشكل ده مع العظم.

 

أفضل طرق طهي الستيك:

• الشوي طبعًا هو أفضل أسلوب لطبخ القطعيات دي، تقدري تشوحي القطعيات دي في طاسة تقيلة، وتكون سخنة جدًا بحيث تاخد لون من كل الجهات، وتكملي تسويتها في الفرن والوقت اللي هتحتاجه للتسوية هيعتمد بشكل كبير على سُمك قطعة الستيك.
• خطوة مهمة جدًا لنجاح الستيك هي إنك تريحي اللحمة بعد التسوية عشان العصارة اللي جواها تعيد توزيعها جوة قطعة اللحمة، ولما نقطعها، نلاقيها طرية ومليانة بالعصارة وjuicy.
• ممكن تقدمي الستيك مع أي صوص من اختيارك أو مع الزبدة المنكهة بأي بهارات أو أعشاب تحبيها.

 

5. العرق الفلتو أو الفيليه الكندوز (beef fillet-beef tenderloin)

العرق الفلتو أو الفيلية الكندوز – أكلات عيد الأضحى – greatbritishchefs

 

خواص القطعية:

• يعتبر أطرى قطعية في العجل، ونسبة الدهون فيه شبه معدومة.
• مكان القطعية: ظهر العجل الكندوز: كل ما زاد وزن العجل وعمره، زاد حجم العرف الفيلية ووزنه ولونه بيكون أغمق.
• العرق الفيليه يختلف تمامًا عن العرق التريبيانكو، أو بتسميه ستات البيوت العرق الروستو، اللي بنعمل منه الروست بيف. عرق الفيليه أطرى بكتير، بيستوي أسرع بكتير، لإنه من أكتر المناطق الطرية في العجل وهي منطقة الظهر. أما العرق التريبيانكو مكانه الفخدة، والفخدة من المناطق الأقل طراوة ولها خواص مختلفة.

العرق الفلتو أو الفيلية الكندوز – أكلات عيد الأضحى – themobilepizzeria

أسماء قطعيات اللحوم – أكلات عيد الأضحى – simply-delicious-food

 

أفضل طرق طبخ العرق الفلتو أو الفيلية الكندوز:

• تقدري تطبخي العرق الفيليه كامل على بعضه، عن طريق تشويحه على النار وتكملي طبخه في الفرن مع الخضراوات والبهارات أو الأعشاب العطرية.
• العرق الفيليه ممكن تطلبي من الجزار يقطعه في صورة قطع من الستيك بسمك 2 سم ، بتكون مناسبة جدًا للشوي على البوتجاز في طاسة أو شواية أو على الفحم، والفيليه ستيك واحدة من أشهر أطباق المطاعم المعروفة اللي كلنا بنطلبها ونحبها وبيتقدم جنبها أنواع كتير من الصوصات زي صوص المشروم وصوص الفلفل الإسود.
• يفضل تسوية الفيليه ستيك تكون medium well وما تستويش للآخر well done، وده لإن نسبة الدهون القليلة بتخليها عرضة إنها تنشف بسهولة وتشد لو استوت تسوية كاملة.
• تقدري تتفرجي على الفيديو ده عشان تعرفي أفضل طريقة لطبخ الفيلية ستيك

 

 

 

 

6- عرق التريبيانكو أو الروستو (Eye round)

عرق التريبيانكو أو الروستو – أكلات عيد الأضحى – beefitswhatsfordinner

عرق التريبيانكو أو الروستو – أكلات عيد الأضحى -reneeskitchenadventures

 

خواص القطعية:

• زي ما ذكرنا مسبقًا، عرق التريبيانكو موجود في منطقة الفخدة، وشكله بيختلف عن العرق الفلتو لإن سماكته واحدة من أوله لآخره زي ما هتلاحظوا من الصور.
• العرق التريبيانكو لا يصلح للشوي لإنه من القطعيات الناشفة اللي بتحتاج طهي رطب، يعني لازم نسويه في الفرن مع شوية من المرقة أو المياه ونغطيه بالفويل، وياخد وقته عشان يستوي كويس.
• اطلبي من الجزار يربط لك العرق التريبيانكو عشان يستوي بشكل متساوي ويحتفظ بشكله بعد التسوية.

 

أفضل طرق طبخ عرق التريبيانكو أو الروستو:

• شوّحي العرق بعد ما تتبليه بالملح والفلفل، وسويه في الفرن على حرارة 220 مع تشكيلة من الخضار زي البصل، الجزر، الكرفس والأعشاب العطرية وفصوص التوم مع كمية من المرقة، وغطيه كويس بالفويل لحد ما يستوي، وتقدري من باقي المرقة تعملي صوص جريفي (Gravy sauce) يتقدم معاه.
• تقدري كمان تسلقي العرق كامل وبعد السلق يتقطع شرايح ويتحمر في الزبدة والملح والفلفل.

 

 

الكلام عن اللحمة عمره ما يخلص، علم كبير قوي وبحر واسع من المعلومات. حاولت في المقال ده أجمع أغلب القطعيات المشهورة للحمة البقري، وأعرّفك على بعض من خصائصها وازاي تقدري تطبخيها بالطريقة السليمة. كل عيد أضحى وانتم طيبين، ولو عندك أي سؤال بخصوص طبخ اللحوم، ما تتردديش وابعتي لنا استفسارك.

في حال أعجبك الموضوع كل ما اوده منك هو نشر هذا الموضوع عبر أدوات المواقع الاجتماعية التالية: ايقونة فيس بوك وتويتر و +1 فى الشريط التالى